অসমত ক’ৰ’নাত আক্ৰান্ত প্ৰথমগৰাকী লোকৰ মৃত্যু
ক’ৰ’নাত মৃত্যু হোৱা প্ৰথমটো ঘটনা সংঘটিত হৈছে অসমত। ৰাজ্যখনৰ ২৮ নম্বৰ COVID-19 পজিটিভ ৰোগীজনৰ নিশা প্ৰায় ২ মান বজাত মৃত্যু হয়।
মহামাৰী ভাইৰাছবিধত আক্ৰান্ত হাইলাকান্দিৰ এই লোকজন শিলচৰ মেডিকেল কলেজ হাস্পতালত মৃত্যুবৰণ কৰে।
নিশাই এই কথা টুইটাৰযোগে জনাইছে স্বাস্থ্য মন্ত্ৰী মন্ত্ৰী ড০ হিমন্ত বিশ্ব শৰ্মাই।
With utmost Grief and sorrow,I would like to inform that Sri Faijul Haque Barbhyan,(65)Hailakandi District has expired few minutes back in SMCH due to complication of COVID19 https://t.co/MoRWPP4Bml deep condolences and prayers for the bereaved family
— Himanta Biswa Sarma (@himantabiswa) April 9, 2020
লোকজনৰ শেহতীয়া অৱস্থা সংকটজনক বুলি বৃহস্পতিবাৰে বিয়লি টুইটাৰযোগে মন্ত্ৰী হিমন্ত বিশ্ব শৰ্মাই জনাইছিল।
উল্লেখযোগ্য যে অসমত যোৱা মঙলবাৰে হাইলাকান্দিৰ এই COVID-19 পজিটিভ ব্যক্তিজনক চিনাক্ত কৰা হৈছিল।
হাইলাকান্দিৰ উক্ত লোকজনে শেহতীয়াকৈ ছৌদি আৰৱ ভ্ৰমণ কৰি আহিছিল।
ইফালে বৃহস্পতিবাৰে ধুবুৰীৰ এজন লোকৰ শৰীৰত ক’ৰ’না ভাইৰাছ ধৰা পৰে। COVID-19 পজিটিভ এই ৰোগীজনৰ সৈতে অসমত এই পৰ্যন্ত মুঠ কৰ’না ভাইৰাছ আক্ৰান্ত ৰোগীৰ সংখ্যা ২৯ জনলৈ বৃদ্ধি পালে। আৰু ইয়াৰে এজনৰ মৃত্যু হয়।
অসমত চিনাক্ত হোৱা ২৯ গৰাকী COVID-19 আক্ৰান্তৰ ২৮ গৰাকীৰেই দিল্লীৰ নিজামুদ্দিনৰ জামাতৰ সৈতে সম্পৰ্ক আছিল।