গহপুৰৰ টকৌবাৰী ৰঙাজানত নিশা এক মৰ্মান্তিক ঘটনা সংঘটিত হয়। নিশা হুঁচৰি গাবলৈ যোৱা এখন গাড়ী দুৰ্ঘটনাগ্ৰস্ত হৈ ৫গৰাকী যুৱক-যুৱতীয়ে মৃত্যুক আকোঁৱালি লয়৷
AS 25 DC 7418 নম্বৰৰ এখন বলেৰ’ পিকআপ বাহনত হুঁচৰি গাবলৈ গৈছিল প্ৰায় ২০জনীয়া এটা দল ৷ ভয়াবহ এই দুৰ্ঘটনাৰ ফলত তিনিগৰাকী যুৱতী সহ দুজন যুৱকৰ মৃত্যু ঘটিছে ৷
দুৰ্ঘটনাত নিহত যুৱতী কেইগৰাকী হৈছে ক্ৰমে ৰাধিকা দৈমাৰী, বুদ্ধিমতি বড়ো আৰু বৰ্ণালী বড়ো ৷
আনহাতে, নিহত যুৱক দুজন হৈছে ক্ৰমে সঞ্জয় বসুমতাৰী আৰু কলিমন বসুমতাৰী ৷ নিহত আটাইকেইজনৰে ঘৰ উত্তৰ কাৰিবিল আৰু পুৰনি গেৰেজ গাঁৱত বুলি জানিব পৰা গৈছে৷
ইপিনে, ভয়াবহ দুৰ্ঘটনাটোত আন ৫ জন যুৱক-যুৱতীও আহত হয় ৷
