পেট্ৰল পাম্পৰ বিৰুদ্ধে অভিযোগৰ অন্ত নাই।
কেতিয়াবা যদি ভেজাল তেলৰ অভিযোগ কেতিয়াবা আকৌ তেল কমকৈ দিয়াৰ অভিযোগ আদি।
বহু পেট্ৰল পাম্পতেই নিতৌ বহু গ্ৰাহকে প্ৰতাৰণাৰ চিকাৰ হৈ আহিবলগীয়া হৈছে।
অৱশ্যে তাৰ মাজতে কিছু সৎ পথেৰে পৰিচালিত পেট্ৰল পাম্পো নথকা নহয়।
পেট্ৰল পাম্পত আপুনি কেইবা ধৰণে প্ৰতাৰিত হ’ব পাৰে।
প্ৰথমতে গ্ৰাহকক ঠগিবলৈ বহু পেট্ৰল পাম্পে মিটাৰত বিশেষ চিপ লগাই থব পাৰে।
ফলত মিটাৰৰ ৰিডিং বেছিকৈ দেখুৱায়। এই কাৰছাজি ধৰা পেলাবলৈ আপুনি এক লিটাৰৰ বটলত পেট্ৰল ভৰালে সঠিককৈ তেল দিছে নে নাই জানিব পাৰিব।
দ্বিতীয়তে বহু পেট্ৰল পাম্পে তেল ভৰাবলৈ অতি দীঘল পাইপ ব্যৱহাৰ কৰে।
ইয়াৰ ফলত মিটাৰত দেখুৱালেও কিছু তেল পাইপৰ ভিতৰতে ৰৈ যায়।ঠগোৱাৰ তৃতীয় উপায়টো হ’ল তেল ভৰোৱাৰ সময়ত তেল ভৰোৱা লোক জনে পাইপৰ ৰেগুলেটৰত সামান্য হেঁচা দি থাকে।
ইয়াৰ ফলত তেল কিছু পৰিমাণে পাইপৰ ভিতৰতে ৰৈ যায়।
যদি তেলৰ পাইপত থকা ৰেগুলেটৰত তেল দিয়া লোক জনে হেঁচা প্ৰয়োগ কৰা যেন পায় তেন্তে ইয়াৰ প্ৰতিবাদ জনাব।
চতুৰ্থতে বহু পেট্ৰল পাম্পৰ গৰাকীয়ে পেট্ৰলৰ পৰাই নিষ্কাষিত ন্যাপথা নামৰ পদাৰ্থ পেট্ৰলত মিহলায়।
ফলত পেট্ৰলৰ ঘনত্ব বৃদ্ধি পায় আৰু গ্ৰাহকে মিটাৰত দেখুৱালেও তেল কমকৈ পায়।
পঞ্চমতে ধৰক আপুনি ১০০ লিটাৰ তেল ভৰাবলৈ ক’লে।
তেল ভৰোৱা লোকজনে নুশুনাৰ ভাও জুৰি আপোনাক ২০ লিটাৰ তেলহে ভৰাই দিলে।আপুনি কোৱাত তেওঁ পুনৰ মিটাৰ নতুনকৈ আৰম্ভ নকৰাকৈয়ে ৮০ লিটাৰ তেল ভৰাই দিলে।
অৰ্থাৎ ২০ আৰু ৮০ মিলি ১০০ হ’ল।
কিন্তু আপুনি মিটাৰ বন্ধ নকৰাৰ বাবে পিছৰ বাৰ ৮০ৰ ঠাইত ৬০ লিটাৰ তেলহে পালে।
আগৰ ২০ৰ লগত ৬০ যোগ হৈহে ৮০ দেখুওৱা হৈছিল।
গ্ৰাহকৰ ব্যস্ততা আৰু অমনোযোগীতাৰ সুযোগ লৈ পেট্ৰল পাম্পত এনে প্ৰতাৰণাৰো চিকাৰ হয় বহতে। সেয়ে পিছৰ বাৰ তেল দিওতে মিটাৰ পুনৰ আৰম্ভনিৰ পৰা দিবলৈ কব।