গোৱালপাৰা জিলাত বৃহস্পতিবাৰে বনৰীয়া হাতীয়ে কৰা আক্ৰমণৰ দুটা পৃথক ঘটনাত এগৰাকী নাবালিকাসহ ৪জন লোক নিহত হয়।
গোৱালপাৰাত বনৰীয়া হাতীৰ আক্ৰমণত নিহত চাৰিজনৰ ভিতৰত এজন বন বিষয়াও আছে।
বৃহস্পতিবাৰে আবেলি বনৰীয়া হাতীৰ এটা জাকে লক্ষীপুৰ অঞ্চলৰ ১২ নং ৰাষ্ট্ৰীয় ঘাইপথত চলাচল কৰা তিনিখন বাহনত আক্ৰমণ চলায়। ইয়াৰ ফলত ঘটনাস্থলীতে এগৰাকী নাবালিকাসহ তিনিজন লোক নিহত হয়।
লগতে পঢ়ক: বিহাৰত ৩১ জনলৈ বৃদ্ধি সুৰাপান কৰি মৃত্যু হোৱা লোকৰ সংখ্যা
মৃতসকলক জয়বৰ আলী, ৰমণী ৰাভা আৰু তেওঁৰ নাবালিক কন্যা জেনিছা ৰাভা বুলি চিনাক্ত কৰা হৈছে। ঘটনাটোত ৰাভাৰ পত্নী গুৰুতৰভাৱে আঘাতপ্ৰাপ্ত হয়।
আন এটা ঘটনাত গোৱালপাৰা জিলাত বনৰীয়া হাতীয়ে কৰা আক্ৰমণত এজন বনকৰ্মী নিহত হয়। মৃত ব্যক্তি জন শ্বাহদেৱ ৰায় (৫১) বুলি চিনাক্ত কৰা হৈছে।
