সমগ্ৰ বিশ্বত ক’ৰ’না ভাইৰাছৰ সংক্ৰমণ অব্যাহত আছে।
স্পেইনৰ বাৰ্চিলোচনা চিৰিয়াখানাৰ চাৰিটা সিংহ শেহতীয়াভাৱে ক’ৰ’না ভাইৰাছৰ দ্বাৰা সংক্ৰমিত হোৱা বুলি চিৰিয়াখানা কৰ্তৃপক্ষই সদৰী কৰে।
বাঘ ক’ৰ’না ভাইৰাছৰ দ্বাৰা সংক্ৰমিত হোৱা এইটো হৈছে দ্বিতীয় ঘটনা।
ইয়াৰ পূৰ্বে ক’ৰ’না ভাইৰাছৰ সংক্ৰমণ আৰম্ভ হোৱাৰ সময়ত আমেৰিকা যুক্তৰাষ্ট্ৰৰ চিৰিয়াখানত থকা বাঘৰ শৰীৰত ক’ৰ’না ভাইৰাছৰ উপস্থিতি ধৰা পৰিছিল।
স্পেইনৰ বাৰ্চিলোনা চিৰিয়াখানাত ক’ৰ’না প’জিটিভ হোৱা চাৰিটা সিংহৰ ভিতৰত তিনিটা মাইকী সিংহ আৰু এটা মতা সিংহ।
চাৰিওটা সিংহৰে শৰীৰত ক’ৰ’নাৰ প্ৰাথমিক লক্ষণ দেখা দিয়াৰ পাছত চিৰিয়াখানা কৰ্তৃপক্ষই চিকিৎসকৰ দ্বাৰা সিংহ চাৰিটাৰ ক’ৰ’না পৰীক্ষা কৰে আৰু পৰীক্ষাত সিংহ কেইটাৰ শৰীৰত ক’ৰ’নাৰ উপস্থিতি ধৰা পৰে।
বৰ্তমান সিংহ চাৰিটাক পৃথক পৃথক কৈ ৰাখি চিকিৎসা প্ৰদান কৰি থকা হৈছে।