তামুলপুৰত তুংগত উঠিছে নিৰ্বাচনী প্ৰচাৰ
সমাগত উপ নিৰ্বাচনত ৰাজনৈতিক দল সমূহে নিৰ্বাচনী প্ৰচাৰত নামি পৰিছে ।
আজি তামুলপুৰত নিৰ্দলীয় প্ৰাৰ্থী গণেশ কছাৰীৰ সমৰ্থনত আনুষ্ঠানিক ভাৱে মুকলি কৰে নিৰ্বাচনী প্ৰচাৰ কাৰ্যালয় ৷
কাৰ্যালয়টো আনুষ্ঠানিক ভাৱে মুকলি কৰে চাপাগুৰি সমষ্টিৰ প্ৰাক্তন বিধায়ক হিতেশ বসুমতাৰীয়ে ৷
কাৰ্যালয় মুকলি অনুষ্ঠানত উপস্থিত থাকে বিটিচিৰ প্ৰাক্তন কাৰ্যবাহী সদস্য তথা ৫৮ নং তামুলপুৰ সমষ্টিৰ নিৰ্দলীয় প্ৰাৰ্থী গণেশ কছাৰী ৷
অনুষ্ঠানত তামুলপুৰ জিলা বিপিএফৰ সম্পাদক প্ৰমুখ্যে ব্লক বিপিএফ সমিতিৰ কৰ্মকৰ্তা সকল উপস্থিত থাকে৷
গণেশ কছাৰীয়ে সত্তৰ হাজাৰ ভোট লাভ কৰি নিৰ্বাচনী ৰণত জয়ী হব বুলি দাবী কৰে ৷
হাগ্ৰামা মহিলাৰীয়ে নিৰ্মাণ কৰা ৰাস্তাত ইউপিপিএলৰ সভাপতি তথা বিটিচি প্ৰধান প্ৰমোদ বড়োৱে চাইৰেন বজাই গাড়ী চলাব পাৰিছে বুলি মন্তব্য গণেশ কছাৰীৰ।
