ড্ৰাগছৰ পিছত এইবাৰ গাঞ্জাৰ বিৰুদ্ধে হাজো আৰক্ষীৰ বৃহৎ অভিযান। হাজোৰ বৰম্বৈত আৰক্ষীৰ অভিযানত জব্দ হৈছে বৃহৎ পৰিমাণৰ গাঞ্জা।
বৰম্বৈৰ উখুৰা পানীখাইটিত আৰক্ষীয়ে জব্দ কৰিবলৈ সক্ষম হৈছে প্ৰায় ৬৫ কেজি গাঞ্জা।
এক গোপন খবৰৰ ভিত্তিত উখুৰাৰ মিন্টু আলী নামৰ লোকজনৰ ঘৰৰ পৰা হাজো আৰক্ষীয়ে জব্দ কৰিছে প্ৰায় পাঁচ লক্ষাধিক টকাৰ এই গাঞ্জাখিনি। গাঞ্জা মাফিয়া মিন্টু আলীক আৰক্ষীয়ে ইতিমধ্যে সোধপোচৰ বাবে আটক কৰিছে।
লগতে মিন্টু আলীৰ ঘৰৰ পৰা আৰক্ষীয়ে AS 01 DZ-8744 নম্বৰৰ এখন CRETA বাহনো জব্দ কৰিছে। দীৰ্ঘদিন ধৰি আৰক্ষীৰ চকুত ধূলি দি গাঞ্জা ব্যৱসায়ীজনে কামৰূপৰ বিভিন্ন প্ৰান্তত চলাই আহিছিল গাঞ্জাৰ ৰমৰমীয়া ব্যৱসায়।
অৱশেষত শুকুৰবাৰে পুৱতি নিশা হাজো থানাৰ ভাৰপ্ৰাপ্ত আৰক্ষী বিষয়া এম্ব্ৰাৱেল দৈমাৰীৰ নেতৃত্বত যোৱা আৰক্ষীৰ এটা বৃহৎ দলে গাঞ্জা সহিতে হাতেলোটে আটক কৰিবলৈ সক্ষম হয় গাঞ্জা ব্যৱসায়ীজনক।
