পুৰুষ দলৰ মুখ্য প্ৰশিক্ষক হিচাপে ৰাহুল দ্ৰাবিড়ৰ উত্তৰাধিকাৰীৰ জল্পনা-কল্পনা শেষ হোৱাৰ দিশে৷ গৌতম গম্ভীৰ এই দায়িত্ব ল’বলৈ সাজু হোৱা বুলি জানিব পৰা গৈছে। ইণ্ডিয়ান প্ৰিমিয়াৰ লীগ (আই পি এল) ২০২৪ ফ্ৰেঞ্চাইজিৰ প্ৰশিক্ষক হিচাপে গম্ভীৰৰ নামে চৰ্চা বৃদ্ধি কৰি আহিছে। ভাৰতীয় ক্ৰিকেট নিয়ন্ত্ৰণ ব’ৰ্ডেও ভাৰতীয় দলৰ মুখ্য প্ৰশিক্ষকৰ ভূমিকাত অষ্ট্ৰেলিয়াৰ বহু ডাঙৰ নামৰ লগতে ষ্টিফেন ফ্লেমিং আৰু এণ্ডি ফ্লাৱাৰৰ দৰে আই পি এলৰ আন প্ৰশিক্ষকৰ প্ৰতি আগ্ৰহী যেন লাগিছিল, কিন্তু বাকীবোৰতকৈ আগত আছে গম্ভীৰ।
আই পি এল ২০২৪ৰ লীগ পৰ্যায়ত কেকেআৰে চেম্পিয়ন দল হিচাপে অন্ত পেলোৱাৰ লগে লগে গম্ভীৰৰ নামৰ চৰ্চা চলিবলৈ আৰম্ভ কৰে। কেইখনমান খেলৰ পাছত নাইট ৰাইডাৰ্ছে ফাইনেলত ছানৰাইজাৰ্ছ হায়দৰাবাদক পৰাস্ত কৰি খিতাপ লৈ যায়। ফাইনেলৰ পাছত গম্ভীৰেও বিচিচিআইৰ সম্পাদক জয় শ্বাহৰ দীঘলীয়া বাৰ্তালাপ কৰিছিল।
ইণ্ডিয়া টুডেত প্ৰকাশিত এক বাতৰি অনুসৰি গম্ভীৰ এতিয়া দ্ৰাবিড়ৰ ঠাইত টীম ইণ্ডিয়াৰ মুখ্য প্ৰশিক্ষক হিচাপে কাম কৰিবলৈ সাজু হৈছে। যদিও শেহতীয়াকৈ গম্ভীয়ে কেকেআৰৰ প্ৰশিক্ষকৰ ভূমিকা গ্ৰহণ কৰিছিল, ২০২২ চনত প্ৰশিক্ষক হিচাপে যোগদান কৰা আন এটা আইপিএলৰ দল লক্ষ্ণৌ ছুপাৰ জায়েণ্টছৰ সংগ এৰিছিল।
যদিও ভাৰতৰ প্ৰাক্তন অ’পেনাৰগৰাকীৰ কোনো ৰাষ্ট্ৰীয় দলৰ, আনকি আই পি এলৰ মুখ্য প্ৰশিক্ষক হোৱাৰ অভিজ্ঞতা নাই, তথাপিও এই বছৰ কে কে আৰক আই পি এলৰ জয়লাভলৈ লৈ যোৱাত তেওঁৰ ভূমিকাই বি চি চি আইয়ে দ্ৰাবিড়ৰ উত্তৰাধিকাৰী হিচাপে তেওঁৰ নামক গুৰুত্বসহকাৰে বিবেচনা কৰিবলৈ যথেষ্ট বুলি খবৰ ওলাইছে।
বিচিচিআইয়ে ২৭ মে’ৰ ভিতৰত মুখ্য প্ৰশিক্ষকৰ ভূমিকাৰ বাবে আবেদন বিচাৰিছিল, ইতিমধ্যে ৩০০০ৰো অধিক প্ৰ-পত্ৰ লাভ কৰা হৈছে। ব’ৰ্ডে অতি সোনকালে চৰ্টলিষ্ট কৰা প্ৰাৰ্থীৰ সাক্ষাৎকাৰ লোৱাৰ প্ৰক্ৰিয়া আৰম্ভ কৰাৰ সম্ভাৱনা আছে, ক্ৰিকেট পৰামৰ্শদাতা সমিতিয়ে সেই অভিযানৰ নেতৃত্ব দিব।
