জিআইএমটি, তেজপুৰৰ উদ্যোগত অসম ভিত্তিক ৰচনা প্ৰতিযোগিতা

তেজপুৰস্থিত অগ্ৰণী অভিযান্ত্ৰিক শিক্ষা প্ৰতিষ্ঠান  ‘জিআইএমটি, তেজপুৰৰ উদ্যোগত অসম ভিত্তিক এখনি ৰচনা প্ৰতিযোগিতাৰ আয়োজন কৰা হৈছে। নৱম শ্ৰেণীৰ পৰা দ্বাদশ  পৰ্যায়ৰ ছাত্ৰ-ছাত্ৰী সকলে অংশগ্ৰহণ কৰিব পৰা উক্ত ৰচনা প্ৰতিযোগিতাৰ বিষয়  ইংৰাজী ভাষাত ‘Role of Technology in National Progress’ আৰু অসমীয়া ভাষাত  ‘ৰাষ্ট্ৰীয় প্ৰগতিৰ ক্ষেত্ৰত প্ৰযুক্তিবিদ্যাৰ ভূমিকা’।

ইচ্ছুক প্ৰতিযোগীসকলে অসমীয়া বা ইংৰাজীৰ যিকোনো এটা ভাষাত প্ৰতিযোগিতাত অংশগ্ৰহণ কৰিব পাৰিব। ৰচনাসমূহ ১৫০০-২০০০ শব্দৰ ভিতৰত সীমাবদ্ধ ৰাখিব লাগিব। প্ৰেৰণ কৰা ৰচনাসমূহৰ প্ৰথম পৃষ্ঠাত প্ৰতিযোগীসকলৰ নাম, ঠিকনা, শিক্ষানুষ্ঠানৰ নাম, শ্ৰেণী, ইমেইল ঠিকনা আৰু ফোন নম্বৰ উল্লেখ থকাটো প্ৰয়োজনীয়।

ৰচনাখনৰ শেষ পৃষ্ঠাত প্ৰতিযোগীসকলে নিজৰ স্বাক্ষৰ সম্বলিত ৰচনাখনৰ মৌলিকতা সম্বন্ধে স্বঘোষিত এক পত্ৰ প্ৰেৰণ কৰিব লাগিব। অনলাইন পদ্ধতিৰে জমা দিব বিচৰা ৰচনাসমূহ পিডিএফ (PDF) ফৰমেটত [email protected] ই-মেইল যোগে প্ৰেৰণ কৰিব পাৰিব।

ডাকযোগে পঠাব বিচাৰিলে পৰিস্কাৰ হাতৰ আখৰেৰে Co-ordinator, Essay Competition, GIMT Tezpur, Kunderbari, Dekargaon, Sonitpur, PIN- 784501, Assam ঠিকনাত প্ৰেৰণ কৰিব পাৰিব।

ৰচনাসমূহ জমা দিয়াৰ শেষ তাৰিখ ৩০ জানুৱাৰী, ২০১৯। বিজয়ী প্ৰতিযোগীসকলক আকৰ্ষণীয় ধনৰাশি আৰু মানপত্ৰ সহিতে পুৰস্কৃত কৰা হ’ব বুলি আয়োজক মণ্ডলীয়ে জানিবলৈ দিছে। আগ্ৰহী প্ৰতিযোগীয়ে অধিক তথ্যৰ বাবে ৯৮৬৪০৪৪০১৩, ৯৭০৬৫৯২৯৬১ এই দুটা ফোন নম্বৰত যোগাযোগ কৰিব পাৰিব।