যোগী আদিত্যনাথ শাসিত ৰাজ্য উত্তৰ প্ৰদেশত সংঘটিত হৈছে অন্য এক গণধৰ্ষণৰ ঘটনা।
ঘটনাৰ বিৱৰণীৰ মতে উত্তৰ প্ৰদেশৰ বুলানদশৰ জিলাৰ চাট্টাৰী চহৰত এখন চলন্ত গাড়ীত ১৭ বছৰীয়া এগৰাকী কিশোৰীক গণধৰ্ষণ কৰে তিনিজন লোকে।
কিশোৰী গৰাকীয়ে স্থানীয় আৰক্ষীক জনোৱা মতে যোৱা ৩ ডিচেম্বৰত কিছু কামৰ বাবে ঘৰৰ পৰা ওলাই যাওঁতে লোক তিনিজনে বলপূৰ্বকভাৱে ধৰি গাড়ীত উঠাই নি ধৰ্ষণ কৰে।
লোককেইজনে কিশোৰীগৰাকীক ধৰ্ষণ কৰাৰ লগতে ভিডিঅ’ ৰেকিডঙো কৰে আৰু ধৰ্ষণৰ বিষয়ে কাকো অৱগত নকিৰবলৈ ভাবুকি প্ৰদান কৰে বুলিও কিশোৰীগৰাকীয়ে আৰক্ষীৰ আগত প্ৰকাশ কৰিছে।
অভিযোগ দাখিল কৰাৰ খবৰ পায় শনিবাৰে লোককেইজনে কিশোৰীগৰাকীৰ ঘৰত উপস্থিত হৈ পৰিয়ালৰ লোকৰ আগতে কিশোৰীগৰাকীক হত্যা কৰাৰ ভাবুকি প্ৰদান কৰে।
পৰিয়ালৰ লোকৰ অভিযোগৰ ভিত্তিত দেওবাৰে আৰক্ষীয়ে তিনি অভিযুক্তক ভাৰতীয় দণ্ডবিধি আইনৰ ৩৭৬ আৰু ৩৫৪ ধাৰা আৰু POCSO আইনৰ অধীনত গোচৰ ৰুজু কৰি গ্ৰেপ্তাৰ কৰিছে।