Goalpara Sainik School ৰাজ্যৰ ক’ভিড পৰিস্থিতি উন্নত হৈছে ৷ তাৰ মাজতে ন-ৰূপত প্ৰাণ পাই উঠিছে গোৱালপাৰাস্থিত অসমৰ একমাত্ৰ সৈনিক স্কুল৷ পৰ্যায়ক্ৰমে আৰম্ভ কৰা হৈছে পাঠদান ৷ বিদ্যালয়খনত নৱেম্বৰৰ পৰা পোন প্ৰথমবাৰৰ বাবে আৰম্ভ হ’ব ছোৱালীৰ পাঠদান ৷
মহামাৰী কৰ’নাৰ বাবে বিগত প্ৰায় ৬ মাহ ধৰি বন্ধ হৈ থকা গোৱালপাৰাস্থিত অসমৰ একমাত্ৰ সৈনিক স্কুলখন আজি পুনৰ ন-ৰূপত প্ৰাণ পাই উঠিছে ৷ আটকধুনীয়াকৈ সজাই পৰাই তোলা হৈছে সৈনিক স্কুলৰ বিশাল চৌহদ ৷
ইতিমধ্যে নৱম আৰু দ্বাদশ শ্ৰেণীৰ পাঠদান আৰম্ভ হৈছে যদিও এসপ্তাহৰ ভিতৰত সকলো শ্ৰেণীৰ পাঠদান আৰম্ভ কৰা হব ৷
পাঠদান আৰম্ভ হোৱাৰ পূৰ্বেই ৰাজ্যৰ লগতে দেশৰ ভিন্ন প্ৰান্তৰ শিক্ষাৰ্থীসকল আহি উপস্থিত হৈছে বিদ্যালয়খনত ৷
Also Read: CBSE Class 10 Term 1-Exam: ৩০ নৱেম্বৰৰ পৰা আৰম্ভ পৰীক্ষা, চাওক পৰীক্ষাৰ সম্পূৰ্ণ সূচী
অহা ১ নৱেম্বৰৰ পৰা বিদ্যালয়খনৰ ইতিহাসত পোনপ্ৰথম বাৰৰ বাবে আৰম্ভ হব ছোৱালীৰ পাঠদান ৷ ইতিমধ্যে ২০২০-২১ শিক্ষাবৰ্ষৰ নামভৰ্তি সম্পন্ন হৈছে ৷
আগন্তুক শিক্ষাবৰ্ষৰ বাবে ছোৱালীৰ নামভৰ্তি প্ৰক্ৰিয়া শীঘ্ৰেই আৰম্ভ হ’ব বুলি বিদ্যালয়খনৰ অধ্যক্ষ কেপ্তেইন এ মথুৰামনে জানিবলৈ দিছে ৷
ইফালে সুদীৰ্ঘ ৬ মাহৰ অন্তত বিদ্যালয়খনত উপস্থিত হৈ উৎফুল্লিত হৈ পৰিছে শিক্ষাৰ্থী ৷ মুখত সন্তুষ্টিৰ হাঁহি দেখা গৈছে শিক্ষাৰ্থী সকলৰ মাজত ৷
