অৱশেষত গোলাঘাট আৰক্ষীৰ জালত পৰিছে বৃহৎ বাইক চুৰি চক্ৰ। বিগত কেইবা দিন ধৰি গোলাঘাটৰ বিভিন্ন প্ৰান্তত বাইক চুৰিৰে সন্ত্ৰাস চলাই অহা এটা বৃহৎ গেং পৰিল গোলাঘাট আৰক্ষীৰ জালত।
গোলাঘাট আৰক্ষীয়ে এক অভিযানৰ ভিত্তিত যোৰহাটৰ এটা অঞ্চলৰ পৰা গুডু দাস ওৰফে গেৰেলা আৰু পাৰ্থ কলিতা ওৰফে বিস্কুট বা টিংকু নামৰ দুই গভাইত চোৰক আটক কৰে।
উল্লেখ্য যে যোৱা কেইবাদিন ধৰি গোলাঘাটৰ এৰেঙাপাৰা, আমোলাপট্টি, কুশল কোঁৱৰ অসামৰিক চিকিৎসালয়ৰ পৰা চুৰি হোৱা কেইবাখনো বাইকৰ চুৰিকাণ্ডৰ লগত জড়িত এই দুই গভাইত চোৰক গ্ৰেপ্তাৰৰ পাছতেই পোহৰলৈ আহিছে গোলাঘাটত বাইক চুৰিৰ এটা বৃহৎ চক্ৰ।
Also Read: সৰভোগৰ বেঁকী নৈৰ দলঙত যুৱক-যুৱতী অগ্নিদগ্ধ হোৱা ঘটনাৰ ৰহস্য কি? জনালে বৰপেটাৰ আৰক্ষী অধীক্ষকে
গোলাঘাটৰ পৰা নাগালেণ্ডলৈ নিয়া হয় চুৰি বাইকসমূহ।
মংগলবাৰে গোলাঘাটৰ উপ আৰক্ষী অধীক্ষকৰ নেতৃত্বত আৰক্ষীৰ এটা দলে চুৰিকাণ্ড সংঘটিত হোৱা বিভিন্ন স্থানত চলায় অভিযান।
দুই গভাইত চোৰে চুৰিকাণ্ডৰ সমগ্ৰ বৰ্ণনা দিয়ে আমাৰ সাংবাদিকৰ আগত।
উল্লেখ্য যে গেৰেলা আৰু বিস্কুট নামৰ দুই চুৰে চুৰিকাণ্ড সংঘটিত কৰি মেৰাপানীৰ চন্দন দাস ওৰফে সৰু ল’ৰা আৰু মিন্টু দাসক গতাই দিয়ে আৰু সেই দুই সৰবৰাহকাৰীয়ে চুৰি বাইকসমূহ বিক্ৰী কৰে নাগালেণ্ডৰ বিভিন্ন প্ৰান্তত।
Also Read: শিক্ষকৰ অভাৱত অনিশ্চয়তাত কলিয়াবৰৰ তিনিখনকৈ উচ্চতৰ মাধ্যমিক বিদ্যালয়ৰ শিক্ষাৰ্থীৰ ভৱিষ্যৎ
সম্প্ৰতি গোলাঘাট আৰক্ষীয়ে চুৰি হোৱা বাইকসমূহ উদ্ধাৰৰ ব্যৱস্থা গ্ৰহণ কৰিছে।
গুৰুত্বপূৰ্ণ কথাটো হ’ল যে ধৃত চন্দন দাস আৰু মিন্টু দাস দুয়োৱে পূৰ্বতেও গোলাঘাটত মোবাইল টাৱাৰৰ বেটাৰী চুৰিৰ সৈতেও জড়িত আছিল।
