তথ্য প্ৰযুক্তি কোম্পানী গুগল (Google)ক অন্যায় বাণিজ্য পদ্ধতিৰ বাবে বৃহৎ পৰিমাণৰ ধন জৰিমনা বিহা হৈছিল। কম্পিটিশ্যন কমিছন অৱ ইণ্ডিয়াই (CCI) ক্ষমতাৰ অপব্যৱহাৰৰ বাবে ১,৩৩৭.৭৬ কোটি টকাৰ জৰিমনা আৰোপ কৰিছিল। ইয়াৰ বিৰুদ্ধে গুগলে নেশ্যনেল কোম্পানী ল এপেলেট ট্ৰিবুনেল বা এনক্লেট-ত (NCLAT) আবেদন দাখিল কৰিছিল। কিন্তু সেই আৱেদনখন খাৰিজ কৰা হৈছে। এতিয়া এনক্লেটে জৰিমনাটো পৰৱৰ্তী ৩০ দিনৰ ভিতৰত পৰিশোধ কৰিবই লাগিব বুলি জনাই দিছে ।
দীৰ্ঘদিন ধৰি অভিযোগ কৰা হৈছিল যে গুগলে এণ্ড্ৰইড অপাৰেটিং চিষ্টেমত ইয়াৰ প্ৰভাৱ প্ৰয়োগ কৰি আছে। আগতেই চিচিআইয়ে কৈছিল যে ফোন নিৰ্মাতাসকলৰ ওপৰত থকা সকলো নিষেধাজ্ঞা আঁতৰাব লাগিব। এইটো জনোৱা হৈছিল যে ফোনত গুগল এপত প্ৰি-ইনষ্টল কৰাৰ চৰ্তটো আঁতৰাব লাগিব।
লগতে পঢ়ক: কুনো ৰাষ্ট্ৰীয় উদ্যানৰ নতুন অতিথি! চাৰিটা পোৱালী জগিল নামিবিয়াৰ পৰা অনা চিতাৰ (ভিডিঅ’ চাওক)
গুগলৰ বিৰুদ্ধে লগতে অভিযোগ উত্থাপিত কৰা হৈছিল যে গুগলক সকলো এণ্ড্ৰইড ডিভাইচত ডিফল্ট চাৰ্চ ইঞ্জিন হিচাপে ৰাখিবলৈ বাধ্য কৰা হৈছে। এই ভিত্তিত এইবাৰ ১৩৩৭.৭৬ কোটি টকাৰ জৰিমনা আৰোপ কৰা হৈছিল।
ইয়াৰ আগতে, গুগলৰ ওপৰত অনলাইন চাৰ্চত গুগল ক্ৰ’ম আৰু ইউটিউবৰ দৰে বিভিন্ন এপ্লিকেশ্বন আৰু এক প্ৰভাৱশালী কোম্পানী হিচাপে এণ্ড্ৰইড প্লে ষ্ট’ৰক অতিৰিক্ত সুবিধা দিয়াৰ অভিযোগ উত্থাপিত হৈছিল। অৱশ্যে, গুগলে দাবী কৰি আহিছে যে ইয়াৰ সকলো কাৰ্যকলাপ গ্ৰাহক সেৱাৰ সৈতে জড়িত। গুগলে কম্পিটিশ্যন কমিছন অৱ ইণ্ডিয়াৰ জৰিমনা আৰোপ কৰাৰ নিৰ্দেশৰ বিৰুদ্ধে এনক্লেটৰ ওচৰত আবেদন কৰিছিল।
লগতে পঢ়ক: বন্দুকৰ গুলী হেৰুওৱাৰ শাস্তি; সমগ্ৰ চহৰতে লকডাউন জাৰি কৰিলে কিম জং-উনে
সেই আৱেদনখন আজি খাৰিজ কৰা হৈছে। এনক্লেটৰ অধ্যক্ষ ন্যায়াধীশ অশোক ভূষণ আৰু তথ্য প্ৰযুক্তি বিষয়ৰ সদস্য আলোক শ্ৰীবাস্তৱে কয় যে গুগলৰ কাৰ্যকলাপৰ ওপৰত চিজিআইৰ তদন্তত ন্যায় নীতিৰ কোনো উলংঘন হোৱা নাই। ফলস্বৰূপে, গুগলে ৩০ দিনৰ ভিতৰত ১,৩৩৭ কোটি টকাৰ জৰিমনা পৰিশোধ কৰিব লাগিব।
