গোবিন্দা আৰু সুনীতা আহুজাৰ মাজত থকা অশান্তিৰ কথা প্ৰায়ে পোহৰলৈ আহে। যদিও গোবিন্দাই কেতিয়াও ৰাজহুৱা স্থানত পত্নীৰ সৈতে সম্পৰ্কৰ কথা ক’ব নিবিচাৰে। এসময়ত তেওঁ কৈছিল যে সুনীতাই পৰিয়ালৰ কথাতকৈ ঘৰৰ বাহিৰৰ মানুহৰ কথা বেছি শুনে। তেওঁ এটা ফান্দত পৰিছে আৰু সেই কথা তেওঁ বুজি পোৱা নাই। সেইবাবেই মুকলিকৈ তেওঁ আৰু গোবিন্দাৰ সম্পৰ্কৰ কথা কৈছে। এইটো একেবাৰে সঠিক নহয়।
অৱশ্যে গোবিন্দাই এই কথা কোৱাৰ পাছতো সুনীতাই তেওঁৰ আৰু গোবিন্দাৰ সম্পৰ্কক লৈ অকপট কথা কোৱা বন্ধ নকৰিলে। অৱশ্যে এইবাৰ পাপাৰাজীৰ সন্মুখত আহি সুনীতা আহুজাই নিজৰ সম্পত্তিৰ কথাও ক’লে। তেওঁ ক’লে, তেওঁৰ সকলো সম্পত্তি কোনে পাব?
শেহতীয়াকৈ কোলাত নিজৰ পোহনীয়া কুকুৰটো লৈ পাপাৰাজীৰ সন্মুখলৈ আহিছিল সুনীতা। তাত তেওঁ ক’লে যে তেওঁ নিজৰ পোহনীয়া জন্তুটোক আটাইতকৈ বেছি ভাল পায়। কাৰণ একমাত্ৰ সিয়েই সুনীতাক সদায় সংগ দিয়ে, সদায় তেওঁৰ লগত থাকে। সেইবাবেই তেওঁ সিদ্ধান্ত লৈছে যে তেওঁৰ সকলো সম্পত্তি তেওঁৰ পোহনীয়া জন্তুটোৰ নামতে লিখি থৈ যাব।
সুনীতাই কেৱল ধেমালিতে এই কথা কৈছে। সুনীতাৰ সন্তান আছে, তেওঁলোকৰ কথা সুনীতাই কেইবাবাৰো উল্লেখ কৰিছে। অৱশ্যে আজিকালি গোবিন্দাই ব্যক্তিগত বিষয়ৰ কথা ক’ব নিবিচাৰে। তেওঁ কয় যে তেওঁ কামত মনোনিৱেশ কৰিব বিচাৰে, নিজৰ ওপৰত কাম কৰিব বিচাৰে। তেওঁ নিজৰ ব্যক্তিগত জীৱনৰ কথা ক’ব নিবিচাৰে।
আনহাতে সুনীতাই সদায় কয় যে তেওঁ ৰন্ধা-বঢ়া কৰি বৰ ভাল পায়। সম্প্ৰতি ‘মা হায় না’ নামৰ ৰন্ধন অনুষ্ঠান এটাত কাম কৰি আছে। অনুৰাগীসকলেও তেওঁৰ কামবোৰ অতিশয় ভাল পাইছে।
১৯৮৭ চনত গোবিন্দা আৰু সুনীতাৰ বিবাহ হয়।কিন্তু সেই সময়ত তেওঁলোকে এই বিবাহ ৰাজহুৱা কৰা নাছিল। কেইবাটাও কাৰণত তেওঁলোকে বিবাহ ৰাজহুৱা কৰিব বিচৰা নাছিল। তেওঁলোকৰ কন্যা টিনাৰ জন্মৰ সময়ত গোবিন্দাই তেওঁৰ পত্নীক সকলোৰে আগত লগত চিনাকি কৰাই দিছিল।
তাৰপিছত তেওঁলোকৰ পুত্ৰ যশবৰ্ধনৰ জন্ম হয়। সুনীতাই সদায় পৰিয়ালক অতি গুৰুত্ব দি আহিছে। তেওঁ সদায় কৈ আহিছে যে তেওঁ গোবিন্দাৰ প্ৰেমত তেওঁ পাগল, গোবিন্দাৰ অবিহনে তেওঁ জীয়াই থাকিব নোৱাৰে।
অৱশ্যে বৰ্তমান গোবিন্দাৰ সৈতে তেওঁৰ সম্পৰ্ক সমস্যাৰ মাজেৰে পাৰ হৈ গৈছে। সুনীতাই কেইবাবাৰো অভিযোগ কৰিছে যে গোবিন্দা আন এটা সম্পৰ্কত জড়িত হৈ আছে, যাৰ বাবে সুনীতাৰ লগত তেওঁ এতিয়া নাথাকে।
