আজি বিধানসভাৰ শীতকালীন অধিৱেশনৰ সময়তে চৰকাৰে খিলঞ্জীয়া আৰু জনজাতীয় বিশ্বাস আৰু সংস্কৃতি বিভাগ গঠনৰ কথা ঘোষণা কৰে।
এক লিখিত প্ৰশ্নৰ উত্তৰত চৰকাৰী পক্ষৰ পৰা এইদৰে কোৱা হয় যে চৰকাৰৰ নথি নং- এ, আৰ-৩৮/২০২১/৩৪ তাং- ৩০-০৭-২০২১ যোগে খিলঞ্জীয়া আৰু জনজাতীয় বিশ্বাস আৰু সংস্কৃতি বিভাগ নতুনকৈ গঠন কৰা হয়।
নতুনকৈ গঠন কৰা বিভাগটো জনতা ভৱনৰ ব্লক-ডি.২য় মহলাত বৰ্তমান সাংস্কৃতিক পৰিক্ৰমা বিভাগৰ লগতে অস্থায়ীভাৱে কাম কৰি আছে ।
নথি নং-আই.টি.এফ.চি-৪০/২০২১/৯ তাং- ২৭-১০-২০২১ যোগে এই বিভাগৰ সঞ্চালকালয় ঘোষণা কৰা হয়। উক্ত সঞ্চালকালয়ত এজন যুটীয়া সচিব পৰ্য্যায়ৰ বিষয়াক সঞ্চালক নিযুক্তিৰ বাবে কৰ্মচাৰী ‘ক’ বিভাগক অনুৰোধ জনোৱা হৈছে।
অসমত স্থায়ীভাৱে বসতি কৰা সকলো খিলঞ্জীয়া জনগোষ্ঠী আৰু জনজাতি লোকক এই বিভাগে সামৰি লব ।
যিহেতু খিলঞ্জীয়া আৰু জনজাতীয় বিশ্বাস আৰু সংস্কৃতি এটা গঠিত বিভাগ আৰু ইয়াৰ গঠন প্রক্রিয়া এতিয়াও সম্পূৰ্ণ হোৱা নাই । গতিকে এই বিভাগে সামৰি লোৱা জনগোষ্ঠী-জনজাতিৰ বিতং তথ্য পৰৱৰ্ত্তী পৰ্য্যায়তহে দিব পৰা যাব।
কাৰ্বি জনজাতিৰ সকলক নৱগঠিত খিলঞ্জীয়া আৰু জনজাতীয় বিশ্বাস আৰু সংস্কৃতি বিভাগে সামৰি লব ।
যিহেতু নৱ গঠিত বিভাগৰ গঠন প্রক্রিয়া এতিয়াও সম্পূর্ণ হোৱা নাই, গতিকে এই বিভাগে সামৰি লোৱা বিভিন্ন জনগোষ্ঠী-জনজাতিৰ বিতং তথ্য পৰৱৰ্তী পৰ্য্যায়তহে দিব পৰা যাব।
এই সম্পর্কে প্রক্রিয়া সমূহ ইতিমধ্যে তৰান্বিত কৰা হৈছে বুলি বিধানসভাৰ মজিয়াত সদৰী কৰা হয়।।