অসমকে ধৰি দেশৰ বিভিন্ন প্ৰান্তত দ্ৰুতগতিত বৃদ্ধি পোৱা প্ৰদূষণক লৈ উদ্বিগ্নতা প্ৰকাশ কৰিছে ৰাষ্ট্ৰীয় সেউজ ন্যায়াধিৰকৰণে। বৃহস্পতিবাৰে সেউজ ন্যায়াধিৰকৰণৰ মুখ্য ন্যায়াধীশ আদৰ্শ কুমাৰ গোৱেলৰ নেতৃত্বৰ এখন খণ্ড বিচাৰপীঠে ভয়াৱহভাৱে বৃদ্ধি পোৱা প্ৰদূষণ ৰোধৰ কৰিবলৈ ৰাজ্য চৰকাৰসমূহক নিৰ্দেশ দিয়ে।
বিচাৰপীঠখনে লগতে অহা দুমাহৰ ভিতৰত প্ৰদূষণৰ সমস্যা কেনেদৰে সমাধান কৰিব সেই সন্দৰ্ভত প্ৰয়োজনীয় কৰ্মসূচী প্ৰস্তুত কৰি ন্যায়ালয়ত দাখিল কৰাৰ বাবে বাবেও নিৰ্দেশ দিয়ে।
উল্লেখযোগ্য যে দেশৰ দ্ৰুতগতিত প্ৰদূষিত ১২০খন চহৰৰ তালিকাত অসমৰো পাঁচখন চহৰৰ নাম অন্তৰ্ভুক্ত হৈছে। কেন্দ্ৰীয় চৰকাৰে প্ৰকাশ কৰা তথ্য মতে, ২০১৭ চনৰ বাৰ্ষিক গড় হিচাপত গুৱাহাটীত প্ৰতি ঘনমিটাৰত পি এম ১০১ আৰু মাত্ৰা হৈছে ১০৬ মাইক্ৰ’গ্ৰাম। কিন্তু আন্তৰ্জাতিক মান অনুসৰি গুৱাহাটীৰ দৰে এখন চহৰত পি এম ১০১ আৰু মাত্ৰা হ’ব লাগে ৫০ মাইক্ৰ’গ্ৰাম।
এনে তথ্যই স্বাভাৱিকতে গুৱাহাটীৰ বায়ু কিমান অধিক প্ৰদূষিত হৈ পৰিছে সেয়া স্পষ্ট কৰি তোলে। গুৱাহাটীৰ ভিতৰত সৰ্বাধিক প্ৰদূষিত এলেকা হিচাপে চিহ্নিত হৈছে গোপীনাথ নগৰস্থিত আই টি আই বিল্ডিং অঞ্চলটো। ইয়াত পি এম ১০১ হোৱাৰ বিপৰীতে মাত্ৰা হৈছে ১২৩ মাইক্ৰ’গ্ৰাম।
আনহাতে, মহানগৰখনৰ বামুণীমৈদামৰ প্ৰদূষণ নিয়ন্ত্ৰণ বিভাগৰ মুখ্য কাৰ্যালয় থকা অঞ্চলটোত পি এম ১০১ আৰু মাত্ৰা হৈছে ১১৬ মাইক্ৰ’গ্ৰাম। একেদৰে খানাপাৰা চেণ্ট্ৰেল ডায়েৰী আৰু শান্তিপুৰৰ প্ৰাগজ্যোতিষ মহাবিদ্যালয় থকা অঞ্চলত পি এম ১০১ আৰু মাত্ৰাও পোৱা গৈছে ১০১ মাইক্ৰ’গ্ৰামকৈ।
এই তথ্য অনুসৰি গুৱাহাটীৰ ভিতৰত আটাইতকৈ কম প্ৰদূষিত অঞ্চল হিচাপে বিবেচিত হৈছে গুৱাহাটী বিশ্ববিদ্যালয়ৰ অঞ্চলটো। এই অঞ্চলত বায়ুত থকা এম ১০১ আৰু মাত্ৰা হৈছে ৯৪ মাইক্ৰ’গ্ৰাম।
ৰাষ্ট্ৰীয় সেউজ ন্যায়াধিকৰণে দেশৰ বিভিন্ন প্ৰান্তত দ্ৰুতগতিত বৃদ্ধি পোৱা প্ৰদূষণে ভৱিষ্যতে সৃষ্টি কৰিব পৰা বিপদ সম্পৰ্কে সতৰ্ক কৰি দিয়াৰ লগতে সংশ্লিষ্ট ৰাজ্যসমূহক এইক্ষেত্ৰত সক্ৰিয়াভাৱে আগবাঢ়ি অহাৰ পোষকতা কৰে।
