বিশ্বনাথত সান্ধ্য আইন ভংগ কৰাৰ বাবে গেলামালৰ দোকান ছীল; দেবী ষ্ট’ৰৰ অনুজ্ঞাপত্ৰ বাতিল
ফটো: নৰ্থইষ্ট নাও।
বিশ্বনাথত সান্ধ্য আইনৰ সময়ত খোলা ৰখা এখন গেলামালৰ দোকান ছীল কৰিলে বিশ্বনাথ জিলা প্ৰশাসনে।
বিশ্বনাথ ঘাট পথত অৱস্থিত দেৱী ষ্ট’ৰ নামৰ ব্যৱসায়িক প্ৰতিষ্ঠানৰ স্বত্বাধিকাৰ ধীৰজ গুপ্তা আৰু ৰাজেশ গুপ্তাই আজি চৰকাৰী আদেশ অৱমাননা কৰি ব্যৱসায় চলাই আছিল।
আজি দণ্ডাধীশে তহল দি থকাৰ সময়তে চৰকাৰী আদেশ ভৰিৰে মোহাৰি ব্যৱসায় চলাই থকা পৰিলক্ষিত হয়।
উল্লেখ্য যে ক’ভিড সংক্ৰমণ ৰোধ কৰাৰ বাবে বিশ্বনাথ জিলা প্ৰশাসনে জিলা খনত সম্পূৰ্ণ দোকান পোহাৰ বন্ধ ঘোষনা কৰিছিল।
কিন্তু জিলা প্ৰশাসনৰ এই নিৰ্দেশ অমান্য কৰি বিশ্বনাথ নগৰত থকা দেবী ষ্ট’ৰ নামৰ গেলামাল দোকান খনে ব্যবসায় চলাই আছে।
আজি জিলা প্ৰশাসনৰ লোকে দোকানখন ছীল কৰি দিয়াৰ লগতে দোকানৰ অনুজ্ঞাপত্ৰও বাতিল কৰিছে।