‘খিলাড়ী’ অক্ষয় কুমাৰৰ টকাৰে কাজিৰঙাত নিৰ্মাণ কৰিব হাইলেণ্ড

যোৱা বছৰ বানপানীৰ সময়ত বলিউদৰ খিলাড়ী কুমাৰৰূপে খ্যাত অক্ষয় কুমাৰে সাহায্য হিচাপে কাজিৰঙা ৰাষ্ট্ৰীয় উদ্যানলৈ আগবঢ়োৱা ১ কোটি টকাৰে নিৰ্মাণ কৰা হ’ব হাইলেণ্ড।

এই কথা জনাইছে কাজিৰঙা ৰাষ্ট্ৰীয় উদ্যান কৰ্তৃপক্ষই।

বন্যপ্ৰাণীৰ আশ্ৰয়ৰ বাবে প্ৰস্তাৱিত এই হাইলেণ্ডটো ৰাষ্ট্ৰীয় উদ্যানখনৰ বান্দৰদুবি ৰেঞ্জত নিৰ্মাণ কৰা হ’ব বুলি জানিব পৰা গৈছে।

কাজিৰঙা কৰ্তৃপক্ষই লগতে জানিবলৈ দি কয় যে বাকী ধনৰাশিৰে উদ্যানখনৰ কিছু বন শিবিৰৰ নবীকৰণ আৰু অন্যান্য কিছু উন্নয়নমূলক কামত ব্যৱহাৰ কৰা হ’ব।

উল্লেখ্য যে যোৱা বছৰ অসমত বানপানীয়ে সংহাৰী ৰূপ ধাৰণ কৰাৰ সময়তে অসমৰ বানপীড়িত ৰাইজলৈ ২ কোটি টকাৰ সাহায্য আগবঢ়াইছিল।

জনপ্ৰিয় অভিনেতাজনে এক টুইটযোগে জানিবলৈ দি অসমৰ মুখ্য মন্ত্ৰীৰ সাহায্য পুঁজিলৈ ১ কোটি আৰু কাজিৰঙা ৰাষ্ট্ৰিয় উদ্যানৰ বন্যপ্ৰাণী সমূহৰ বাবে ১ কোটি টকা প্ৰদান কৰে।

Absolutely heartbreaking to know about the devastation by floods in Assam.All affected, humans or animals,deserve support in this hour of crisis.I’d like to donate 1cr each to the CM Relief Fund & for Kaziranga Park rescue.Appealing to all to contribute @CMOfficeAssam @kaziranga_

— Akshay Kumar (@akshaykumar) July 17, 2019