পশ্চিম বংগৰ মুখ্যমন্ত্ৰী তথা তৃণমূল কংগ্ৰেছৰ মুৰব্বী মমতা বেনাৰ্জীৰ আজি জন্মদিন। শক্তিশালী নেত্ৰীগৰাকীয়ে আজি সম্পূৰ্ণ কৰিলে জীৱনৰ ৬৯ টা বছৰ।
জন্মদিন উপলক্ষে মমতা বেনাৰ্জীক তেওঁৰ অনুগামী তথা সতীৰ্থসকলৰ লগতে দেশৰ আন আন ৰাজনৈতিক দলৰ নেতাসকলেও জনাইছে শুভেচ্ছা।
অসমৰ মুখ্যমন্ত্ৰী হিমন্ত বিশ্ব শৰ্মায়ো এতিয়াৰ ৰাজনৈতিক প্ৰতিদ্বন্দী তথা এসময়ৰ মিত্ৰ মমতা বেনাৰ্জীক জনাইছে জন্মদিনৰ শুভেছা।
সামাজিক মাধ্যমত এক পোষ্ট যোগে শৰ্মাই মমতা বেনাৰ্জীক জন্মদিনৰ শুভেচ্ছা জনাই তেখেতৰ দীৰ্ঘায়ু আৰু সুস্থ জীৱনৰ বাবে মা কামাখ্যা আৰু শ্ৰীমন্ত শংকৰদেৱৰ ওচৰত প্ৰাৰ্থনা জনায়।
পোষ্টটোত হিমন্ত বিশ্ব শৰ্মাই লিখিছে, “পশ্চিম বংগৰ মাননীয় মুখ্যমন্ত্ৰী শ্ৰীমতী মমতা বেনাৰ্জীলৈ জন্মদিনৰ উষ্ম শুভেচ্ছা জ্ঞাপন কৰিলো।”
”মা কামাখ্যা আৰু শ্ৰীমন্ত শংকৰদেৱৰ ওচৰত প্ৰাৰ্থনা জনাইছো তেখেতক দীৰ্ঘ আৰু সুস্থ জীৱনৰ আশীৰ্বাদ কৰক।”- লগতে এইদৰে পোষ্টটোত লিখিছে হিমন্ত বিশ্ব শৰ্মাই।
Warm birthday greetings to the Hon’ble Chief Minister of West Bengal, Smt Mamata Banerjee.
I pray to Maa Kamakhya and Srimanta Sankardev to bless her with a long and healthy life.@MamataOfficial
— Himanta Biswa Sarma (@himantabiswa) January 5, 2024
