যোনিৰ সংক্ৰমণ বা যোনিৰ কেণ্ডিডিয়াছিছ হৈছে যোনিত প্ৰাকৃতিকভাৱে বাস কৰা ভেঁকুৰৰ অতিমাত্ৰা বৃদ্ধিৰ ফলত হোৱা এটা সাধাৰণ অৱস্থা, যাক কেণ্ডিডা এলবিকেন্স বুলি কোৱা হয়।
যোনিত বাস কৰা ভেঁকুৰৰ অতিমাত্ৰা বৃদ্ধিয়ে বিৰক্তি, প্ৰদাহ, খজুৱতি, আৰু বিষাক্ত স্ৰাৱৰ সৃষ্টি কৰিব পাৰে। সকলো নাৰীয়ে জীৱনত কম বেছি পৰিমাণে যোনিৰ সংক্ৰমণৰ অভিজ্ঞতা লাভ কৰে।
যদি আপোনাৰ যোনিত সংক্ৰমণৰ লক্ষণ দেখা গৈছে, তেন্তে গ্ৰহণ কৰিবলগীয়া প্ৰথমটো পদক্ষেপ হ’ল স্ত্ৰীৰোগ বিশেষজ্ঞ বা চিকিৎসকৰ ওচৰলৈ গৈ নিশ্চিত কৰা যে আপুনি প্ৰকৃততে যোনিৰ সংক্ৰমণত ভুগিছে।
যোনিৰ সংক্ৰমণৰ লক্ষণ সমূহ কি কি?
১. যোনিৰ সংক্ৰমণৰ সাধাৰণ লক্ষণসমূহৰ ভিতৰত হ’ল যোনিৰ পৰা ডাঠ বগা বা হালধীয়া ৰঙৰ স্ৰাৱ নিৰ্গত হোৱা।
২. যোনিত খজুৱতিৰ সৃষ্টি হোৱা।
৩. প্ৰস্ৰাৱ কৰাৰ সময়ত বা যৌন সম্পৰ্কৰ যোনিত সময়ত জ্বলা-পোৰা হোৱা।
৪. যৌন সম্ভোগৰ পিছত যোনীত চাৰিওফালে ফুলি উঠা।
৫. যোনিৰ ভিতৰত বা বাহিৰত ৰঙা দাগ পৰা।
যোনিৰ সংক্ৰমণ হ’লে কি কৰিব?
যদি আপুনি আগতে যোনিৰ সংক্ৰমণত ভুগিছে আৰু সংক্ৰমণ হৈছে বুলি সন্দেহ কৰিছে, তেন্তে আপুনি সকাহ পাবলৈ কেইবাটাও ঘৰুৱা উপায় চেষ্টা কৰিব পাৰে।
১/ গ্ৰীক দৈ
দৈক প্ৰ’বায়’টিক গণ্য কৰা হয়। ইয়াত জীৱিত বেক্টেৰিয়া যেনে লেক্ট’বেচিলাছ এচিড’ফিলাছ থাকে। এই বেক্টেৰিয়াই আপোনাৰ যোনিত সুস্থ পৰিৱেশ গঢ়ি তোলাত সহায় কৰে। যোনিৰ চাৰিও ফালে অৰ্থাৎ ভালভাত দৈৰ লেপন দিব লাগে। পৰিষ্কাৰ টেম্পন এপ্লিকেটৰ বা আপোনাৰ আঙুলি ব্যৱহাৰ কৰি যোনিত দৈ ভৰাব লাগে।
২) বৰিক এচিড
বৰিক এচিড এবিধ শক্তিশালী এন্টিচেপ্টিক। ই যোনিক বেক্টেৰীয়ামুক্ত কৰাত সহায় কৰিব পাৰে। কিন্তু ব’ৰিক এচিড বিষাক্ত। ইয়াৰ ফলত বৃক্কৰ ক্ষতি হ’ব পাৰে, তীব্ৰ ৰক্ত সঞ্চালন তন্ত্ৰ বিকল হ’ব পাৰে। গতিকে ঘাঁত কেতিয়াও বৰিক এচিড ব্যৱহাৰ নকৰিব। যদি আপুনি গৰ্ভৱতী, তেন্তে কোনো ধৰণৰ বৰিক এচিড ব্যৱহাৰ নকৰিব।
৩) নাৰিকল তেল
নাৰিকল তেলত এন্টিফাংগেল গুণ আছে। গতিকে যোনিত হোৱা সংক্ৰমণ ৰোধ কৰিবলৈ যোনিত নাৰিকল তেল ব্যৱহাৰ কৰিব পাৰে।
৪) ভিটামিন চি যুক্ত খাদ্য
ভিটামিন চি আমাৰ শৰীৰৰ বাবে অতি উপকাৰী। ভিটামিন চিয়ে যৌন সংক্ৰমণ ৰোধ কৰাত সহায় কৰিব পাৰে। সেয়ে আপোনাৰ দৈনিক খাদ্যৰ তালিকাত ভিটামিন চি যুক্ত খাদ্য যেনে – আমলখি, নেমু, কমলা, জলকীয়া আদি যোগ কৰক।
