মধ্যবিত্তীয় ক্ৰেতাৰ প্ৰয়োজনীয়তাক মনত ৰাখি শেহতীয়াকৈ হোণ্ডাই এখন নতুন বাইক মুকলি কৰিছে। শুকুৰবাৰে বজাৰত কম মূল্যত মুকলি কৰা হয় নতুন Honda CD110 Dream Deluxe।
বাইকখনত নতুন কি আছে? মূলতঃ এই মটৰ চাইকেলখনত OBD-2 ইঞ্জিন আপডেট দিয়া হৈছে। কেন্দ্রৰ গাইডলাইন মানি কোম্পানীয়ে বাইকখনত কিছু যান্ত্রিক সালসলনি কৰিছে৷ ভাৰতৰ অন্যতম সস্তা বাইকসমূহৰ ভিতৰত এখন হ’ল হোণ্ডা চিডি ১১০ ড্ৰিম। কম তেল খৰচ কৰি দুচকীয়া বাহনখনে দুৰন্ত মাইলেজ দিবলৈ সক্ষম।
নতুন হোণ্ডা CD110 ৰ দাম কিমান?
দেখিবলৈ আটকধুনীয়া বাইকখনৰ মূল্য ৭৩,৪০০ টকা (এক্স শ্ব’ৰুম)। কোম্পানীয়ে লগতে বাইকখনৰ ১০ বছৰৰ ৱাৰেণ্টী ঘোষণা কৰিছে। ইয়াৰে ৩ বছৰৰ ষ্টেণ্ডাৰ্ড ৱাৰেণ্টী আৰু ৭ বছৰৰ অপচনেল ৱাৰেণ্টী।
বাইকৰ ইঞ্জিন
ইয়াত ১১০ চিচি চিংগল চিলিণ্ডাৰ এয়াৰ কুল্ড ইঞ্জিন আছে। এই বাইকখনে সৰ্বোচ্চ ৮.৬৭ হৰ্চপাৱাৰৰ শক্তি উৎপাদন কৰিব পাৰে। লগতে আছে 4 স্পীড মাল্টি প্লেট ৱেট ক্লাচ গিয়াৰবক্স। চহৰৰ সীমাৰ ভিতৰত দৈনিক অহা-যোৱাৰ বাবে এই ইঞ্জিনটো একেবাৰে উপযুক্ত। যান্ত্ৰিক জটিলতা কম। ফলত সকলোৱে আশা কৰিছে যে মেইন্টেইনেন্স খৰচ কম হ’ব।
বাইকখনৰ ফিচাৰ্চ
১১২ কেজি কাৰ্ব ওজন বাইকৰ। ইয়াত কম্বি ব্ৰেকিং চিষ্টেম আছে। এই বাইকত ডিস্ক ব্ৰেক উপলব্ধ নহয়। অৱশ্যে এনেধৰণৰ যাতায়ত যোগ্য মটৰ চাইকেলত এই ফিচাৰ্চ সাধাৰণতে দেখা নাযায়।
ইয়াৰ আসন ৭২০ মিলিমিটাৰ দীঘল। যদিও বাইকখনৰ সামগ্ৰিক ৰূপৰ কোনো পৰিৱৰ্তন হোৱা নাই, তথাপিও ইন্ধনৰ টেংকত নতুন গ্ৰাফিক্স সংযোজন কৰা হৈছে। ইয়াত ইঞ্জিন ষ্টাৰ্ট-ষ্টপ বাটন, টিউবলেছ টায়াৰ আদি ফিচাৰ্চ আছে। বাইকখনৰ মাইলেজ প্ৰতি লিটাৰত ৬৫ কিলোমিটাৰ।
ৰঙৰ ক্ষেত্ৰত আপুনি ৰঙাৰ সৈতে ক’লা, নীলাৰ সৈতে ক’লা, সেউজীয়াৰ সৈতে ক’লা আৰু ক’লাৰ সৈতে ধূসৰ ৰঙৰ বিকল্পৰ পাব।
নতুন বাইকখনৰ বিষয়ে কোৱাৰ সময়ত HMSI ৰ বিক্ৰী আৰু বিপণন সঞ্চালক যোগেশ মাথুৰে কয়, আমি নতুন চিডি ১১০ ড্ৰিম ডিলাক্স মুকলি কৰি গৌৰৱান্বিত। আমি নিশ্চিত যে ইয়াৰ আকৰ্ষণীয় মূল্যই গ্ৰাহকক আকৃষ্ট কৰিব আৰু ইয়াক নিত্য যাতায়তৰ বাবে এক নিখুঁত পছন্দ কৰি তুলিব।
