সমগ্ৰ দেশৰ লগতে বৰপেটা জিলাৰ হাউলী চহৰৰ চণ্ডীবৰুৱা সামাজিক সাংস্কৃতিক বেচৰকাৰী সন্থাৰ উদ্যোগত আজি সন্ধিয়া ভাৰতৰ প্ৰাক্তন প্ৰধান মন্ত্রী প্ৰয়াত অটল বিহাৰী বাজপেয়ীলৈ ৰাজহুৱাভাৱে শ্ৰদ্ধাঞ্জলি জ্ঞাপন কৰা হয়।
দিকদৰ্শী ৰাষ্ট্ৰনেতা, সু-সাহিত্যিক অটল বিহাৰী বাজপেয়ীৰ বিয়োগত শোকৰ ছাঁ পৰা হাউলী আঞ্চলৰ সকলো শ্ৰেণীৰ লোকে নেতাগৰাকীৰ প্ৰতি শ্ৰদ্ধা জনায়। হাউলী চাৰিআলি চ’কত নেতা গৰাকীৰ প্ৰতিচ্ছবিৰ সন্মুখত চহৰবাসী সমবেত হৈ চাকি-বন্তি জ্বলাই তেওঁৰ আত্মাৰ সদগতি কামনা কৰে।
উক্ত অনুষ্ঠানত হাউলী প্ৰেছ ক্লাবৰ সম্পাদক নাৰায়ণ গোস্বামী, বৰপেটা জিলা সাংবাদিক সন্থাৰ সম্পাদক নিতুমনি দাস, হাউলী জুনিয়ৰ কলেজৰ অধ্যক্ষ অনিল কলিতা, হাউলী ক্ৰীড়া সন্থাৰ সভাপতি লক্ষীকান্ত দাস, সাংবাদিক পেন্সনাৰ ৰত্মশ্বেৰ তালুকদাৰ, সাংবাদিক দিদাৰ হুছেইন, সমাজসেৱক ৰাজু গোশ্বামী, ৰূপম নাথ আদিকে ধৰি বহু লোকে অংশ গ্ৰহণ কৰে।