কংগ্ৰেছ নেতা ৰাহুল গান্ধীয়ে বুধবাৰে প্ৰধানমন্ত্ৰী নৰেন্দ্ৰ মোদীক আহমেদাবাদৰ চৰ্দাৰ পেটেল ষ্টেডিয়ামক নিজৰ নামত নামাকৰণ কৰাৰ উপৰিও খেলপথাৰৰ ‘ৰিলায়েন্স’ আৰু ‘আদানি’ৰ নামত বলিং ইণ্ড দুটা নামাকৰণ কৰাৰ বাবে সমালোচনা কৰিছে।
‘‘সত্যটো সুন্দৰভাৱে প্ৰকাশ হৈ পৰিল- নৰেন্দ্ৰ মোদী ষ্টেডিয়াম, আদানী ইণ্ড, ৰিলায়েন্স ইণ্ড।’’ গান্ধীয়ে হিন্দীত লিখা এটা টুইটত এইদৰে কয়।
सच कितनी खूबी से सामने आता है।
नरेंद्र मोदी स्टेडियम
– अडानी एंड
– रिलायंस एंडजय शाह की अध्यक्षता में!#HumDoHumareDo
— Rahul Gandhi (@RahulGandhi) February 24, 2021
টুইটটোত ‘‘হাম দো হামাৰে দো’’ হেছটেগো তেওঁ ব্যৱহাৰ কৰে- যিটো সংসদৰ বাজেট অধিৱেশনত চৰকাৰৰ অৰ্থনৈতিক নীতিক সমালোচনা কৰোতে তেওঁ উল্লেখ কৰিছিল।
এই ‘হাম দো হামাৰে দো’ৰে গান্ধীয়ে ৰিলায়েন্সৰ মুকেশ আম্বানী আৰু গৌতম আদানীৰ স’তে প্ৰধানমন্ত্ৰী নৰেন্দ্ৰ মোদী আৰু গৃহমন্ত্ৰী অমিত শ্বাহৰ বন্ধুত্বমূলক সম্পৰ্কক আওঁপকীয়াকৈ কটাক্ষ কৰিছিল।