হিম যুগতো বিশ্বৰ প্ৰান্তে প্ৰান্তে মানুহে বাস কৰিছিল। হিম যুগত যেতিয়া পৃথিৱী খন বৰফেৰে আবৰি আছিল, তাপমাত্ৰা তেনেই কম আছিল, তেনে পৰিস্থিতিৰ মাজতো মানুহে বাস কৰিছিল। শেহতীয়াকৈ উটাহৰ মৰুভূমিত উদ্ধাৰ হৈছে হিম যুগৰ মানুহৰ পদচিহ্ন।
গৱেষক থমাছ আৰ্বানৰ নেতৃত্বতত মৰুভূমি খনৰ টেষ্টিং এণ্ড ট্ৰেইনিং ৰেঞ্জৰ (ইউটিটিআৰ) নিমখ প্লেটত হিম যুগৰ মানুহৰ পদচিহ্ন আৱিষ্কাৰ কৰা হৈছে।গৱেষকৰ দলটোৱে এটা পুৰাতাত্ত্বিক দলৰ সৈতে স্থানলৈ গৈছিল আৰু মৰুভূমিৰ মাজত কেতবোৰ আচৰিত চিহ্ন দেখিবলৈ পাইছিল।
আৰ্দ্ৰতাৰ পৰিস্থিতি সঠিক হ’লে হঠাতে দেখা পোৱা চিহ্নবোৰ হিম যুগৰ মুহৰ বুলি গৱেষকৰ দলটো নিশ্চিত হৈছিল। উটাহৰ হোৱাইট চেণ্ডচ নেচনেল পাৰ্কত অনুসন্ধান চলাই এনে হিম যুগৰ মানুহৰ পদচিহ্ন উদ্ধাৰ কৰা হৈছে।এনে পদচিহ্নক আমেৰিকাৰ আটাইতকৈ পুৰণি জ্ঞাত মানৱৰ পদচিহ্ন।বুলি কোৱা হৈছে। গৱেষকসকলে পিছদিনা সেই স্থানলৈ ঘূৰি আহিছিল আৰু প্ৰিণ্টবোৰৰ বিষয়ে তথ্য নথিভুক্ত কৰা আৰম্ভ কৰিছিল।
হোৱাইট চেণ্ডছত ইমেজিং ফুটপ্ৰিন্টৰ বাবে ৰাডাৰকে ধৰি ভূ-ভৌতিক পদ্ধতিৰ প্ৰয়োগ পকৰা হৈছিল। এনেদৰেই গৱেষকৰ দলটোৱে সেই পদচিহ্ন সমূহ দ্ৰুততাৰে চিনাক্ত কৰিবলৈ সক্ষম হৈছিল।
গৱেষকৰ দলটোৱে প্ৰাপ্তবয়স্ক আৰু শিশু দুয়োকে ধৰি ৮৮ টা পদচিহ্নকৰিবলৈ সক্ষম হৈছে। আগৰাকী গৱেষক ডিউকৰ মতে এওই পজচিহ্নসমূহ সম্ভৱতঃ ১২,০০০ বছৰতকৈও অধিক পুৰণি।
উল্লেখ্য হিম যুগ মানে কেৱল ভয়ানক শীতৰ দিনেই নাছিল। সেই সময়ত পৃথিৱীত শীত আৰু গ্ৰীষ্ম আদি দুয়োটা পৰিবেশেই আছিল। সেয়ে মানুহে তেনে পৰিবেশৰ সৈতে নিজকে খাপ খুৱাই ল’ব পাৰিছিল। । হিম যুগৰ শীত কালক ষ্টাডায়েল আৰু গ্ৰীষ্ম কালক ইন্টাৰ-ষ্টাডায়েল বুলি কোৱা হৈছিল।সেই সময়ত পৃথিৱীত আন প্ৰাণীয়েও বাস কৰিছিল বুলি বিজ্ঞানীসকলে প্ৰমাণ পাইছে।
