আজি দিচপুৰ জনতা ভৱনত এক সংবাদমেল সম্বোধন কৰি ৰাজ্যৰ টেট শিক্ষক, ঠিকাভিত্তিক আৰু ষ্টেটপুল শিক্ষকৰ বাবে কেইবাটাও গুৰুত্ব পূৰ্ণ ঘোষণা কৰে শিক্ষা মন্ত্ৰী ড০ হিমন্ত বিশ্ব শৰ্মাই।
সেই ঘোষণাসমূহ তলত অ-সম্পাদিত ৰূপত আগবঢ়োৱা হ’ল :-
- সৰ্বশিক্ষাৰ অধীনত ২৯৭০১ গৰাকী টেট শিক্ষকে কাম কৰে। তেওঁলোকে দৰমহা পে-স্কেল চৰকাৰী শিক্ষকৰ সমহাৰত পায়। কিন্তু প্ৰথম নিযুক্তিৰ সময়ত তেওঁলোকৰ ১০০ শতাংশ দৰমহা ভাৰত চৰকাৰে বহন কৰিছিল।
- এতিয়া ১৫ হাজাৰলৈকে ভাৰত চৰকাৰে বহন কৰে আৰু বাকী সমুদায় ৰাজ্য চৰকাৰে বহন কৰে।
- অসম চৰকাৰে যোৱা কেবিনেটত এটা সিদ্ধান্ত লৈছে টেট শিক্ষকৰ চাকৰিৰ কাৰ্যকাল ৬০ বছৰ বয়সলৈকে বাহাল থাকিব। অস্থায়ী শব্দটো আঁতৰাই ৬০ বছৰলৈকে বৃদ্ধি কৰাৰ সিদ্ধান্ত লোৱা হৈছে।
- কিছুমান আনুপাতিক সুবিধা দিয়াৰ সিদ্ধান্ত গ্ৰহণ কৰা হৈছে। শিক্ষকসকলে চৰকাৰী কৰ্মচাৰীসকলৰ দৰে বছৰি দৰমহা বৃদ্ধি হ’ব। চৰকাৰী শিক্ষকসকলে যিধৰণে ডি.এ পায় সেই ধৰণে টেট শিক্ষকসকলেও পাব। ছুটিৰ ক্ষেত্ৰতো চৰকাৰী শিক্ষকৰ দৰেই ছুটি লাভ কৰিব।
- এতিয়াৰে পৰা টেটশিক্ষকসকলে বেংকৰ লোণ ল’ব পাৰিব। চৰকাৰী শিক্ষক আৰু টেট শিক্ষকৰ মাজত কোনোধৰণৰ পাৰ্থক্য নাথাকিব।
- নিয়মীয়াকৰণ নোহোৱাকৈ নিয়মীয়াকৰণৰ যিখিনি সুবিধা দিব পাৰি সেইখিনি দিয়া হ’ব।
- অসম চৰকাৰৰ কেবিনেটৰ সিদ্ধান্ত অনুসৰি ১১২০৬ গৰাকী ষ্টেটপুল শিক্ষকক অহা ১ জুনৰ পৰা কাৰ্যকৰী হোৱাকৈ ৰেগুলাৰ পে-স্কেল লাভ কৰিবলৈ সক্ষম হ’ব। এই ষ্টেট পুল শিক্ষকৰো চাকৰিৰ ম্যাদ ৬০ বছৰলৈ বঢ়াই দিয়া হৈছে।
- হাইস্কুল সমূহত যি ৫২৪৩ গৰাকী ঠিকাভিত্তিক আছে। প্ৰথম অৱস্থাত তেওঁলোকক ১০ হাজাৰ টকাৰ মাহেকীয়া বেতন ১১ মাহৰ বাবে দিয়া হৈছিল। পৰৱৰ্তী পৰ্যায়ত ১৫ হাজৰ আৰু শেষলৈকে ২০ হাজাৰ টকালৈকে বৃদ্ধি কৰা হৈছিল। এইসকলকো ৰেগুলাৰ পে-স্কেল দিয়াৰ সিদ্ধান্ত গ্ৰহণ কৰা হৈছে। নিয়মীয়া শিক্ষকৰ সম পৰ্যায়ৰ দৰমহা লাভ কৰিব। এওঁলোকৰো চাকৰিৰ সময়সীমা ৬০ বছৰলৈকে বৃদ্ধি কৰা হৈছে। এওঁলোকেও ৩ শতাংশ মৰগীয়া বানচ লাভ কৰিব।
- ৰাজ্যৰ ৪৬,১১৩ গৰাকী শিক্ষকে আজিৰ পৰা চৰকাৰী চাকৰিয়ালৰ সম-পৰ্যায়ৰ সুৰক্ষাৰে সা-সুবিধাসমূহ লাভ কৰিব।
- বিজেপিয়ে শিক্ষকসকলক দিয়া নিৰ্বাচনী প্ৰতিশ্ৰুতি পূৰণ হ’বলৈ গৈ আছে।
- শিক্ষকৰ প্ৰাদেশীকৰণৰ কাম, অনিয়মীয়া শিক্ষকৰ কামো দ্ৰুতগতিত আগুৱাই আছে।
- যোৱা বৰ্ষৰ হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰীসকলক বিদ্যালয়তে আনন্দৰাম বৰুৱা বঁটা হিচাপে লেপটপ দিয়াৰ ব্যৱস্থা কৰিব।
- এইবছৰ সুখ্যাতিৰে উত্তীৰ্ণ হোৱাসকলক লেপটপৰ সলনি ২০ হাজাৰ টকাকৈ ছাত্ৰ-ছাত্ৰীসকলক দিয়া হ’ব।
- বন্ধ কৰি দিয়া হ’ব ৰাজ্যৰ ১৭ খনকৈ বিদ্যালয়। হাইস্কুল শিক্ষান্ত পৰীক্ষাত এগৰাকীও ছাত্ৰ-ছাত্ৰী উত্তীৰ্ণ হ’ব নোৱাৰাৰ বাবে এই সিদ্ধান্ত ৰাজ্য চৰকাৰৰ শিক্ষা বিভাগৰ। উক্ত বিদ্যালয়ৰ ছাত্ৰ-ছাত্ৰীসকলক কাষৰ অন্য বিদ্যালয়ৰ লগত সংলগ্ন কৰা হ’ব। শিক্ষক-শিক্ষয়িত্ৰীসকলক ৰাজ্যৰ বিভিন্ন প্ৰান্তলৈ বদলি কৰা হ’ব।