পৃথিৱীৰ এনে বহু দেশ আছে য’ত কিছুমান আইন বন্ধা আছে যিবোৰ শুনিলে সঁচাকৈয়ে আজৱ বুলিয়েই মনলৈ ভাৱ আহিব।
দক্ষিণ প্ৰশান্ত মহাসাগৰীয় স্বাধীন দ্বীপৰাষ্ট্ৰ ছামোৱাত আছে এনে এক নিয়ম যিটো নামানিলে তাৰ পুৰুষে শাস্তিৰ সন্মুখীন হ’বলগীয়া হয়।
নিউজিলেণ্ডৰ প্ৰায় ২৯০০ কিলোমিটাৰ উত্তৰ-পূবত অৱস্থিত এই ৰাষ্ট্ৰখন ১৯৬২চনত স্বাধীন ৰাষ্ট্ৰ হিচাপে গঠিত হয় আৰু ইয়াৰ ৰাজধানী, প্ৰধান চহৰ তথা বাণিজ্যিক কেন্দ্ৰৰ নাম হৈছে আপিয়া।
এই দেশখনত বিবাহিত পুৰুষসকলে লাগিলে নিজৰ জন্মদিনৰ কথা পাহৰিয়েই যাওক, কিন্তু ভুলতো নিজৰ পত্নীৰ জন্মদিন পাহৰিব নোৱাৰিব।
কিয়নো দেশখনত এইটো এটা শাস্তিযোগ্য অপৰাধ। ছামোৱাত থাকিলে অন্তত এই কথা কেতিয়াও নহ’ব।
দেশখনত আছে এনেকুৱা এক আইন য’ত পত্নীৰ জন্মদিন পাহৰাটো শাস্তিযোগ্য অপৰাধ। দেশখনত এনে বহু আমোদজনক আইন আছে যদিও তাৰ ভিতৰত এইটো হৈছে অন্যতম।
দেশখনৰ প্ৰতিজন পুৰুষেই নিজৰ পত্নীৰ জন্মদিনটো মনত ৰাখিবই লাগিব।
যদিহে কিবাকৈ পাহৰে তেতিয়াহ’লে আদালতত গৈ জৰিমনা আদায় দিব লাগিব আৰু সেই জৰিমনা পত্নীয়ে লাভ কৰিব।
আনহাতে, যদিহে পত্নীয়ে বিচাৰে, তেতিয়াহ’লে তেওঁ অভিযোগো দাখিল কৰিব পাৰে। আৰু যদি পত্নীৰ জন্মদিন পাহৰি যোৱাৰ কাৰণ গ্ৰহণযোগ্য নহয় তেতিয়া স্বামী গ্ৰেপ্তাৰৰ সন্মুখীনো হ’ব পাৰে।
পিচে, ইমান জঞ্জালত সোমোৱাতকৈ পত্নীৰ জন্মদিন মনত ৰখা আৰু জন্মদিনত পত্নীক ভাল এটা উপহাৰ দি আপদ দূৰত ৰখাই ভাল নহয় জানো?