ভাৰতে ফেইচবুক আৰু চীনা ভিডিঅ’ এপ টিকটকক যিসকল গ্ৰাহকে ক’ৰ’না ভাইৰাছ সম্বন্ধে মিছা খবৰ প্ৰকাশ কৰে সেইসকলক আঁতৰোৱাৰ বাবে ব্যৱস্থা গ্ৰহণৰ বাবে কয়।
জানিব পৰা মতে, দেশৰ মুছলমান সকলক বিপথে পৰিচালিত কৰাৰ অৰ্থে প্ৰচাৰিত হোৱা কিছুমান মিছা ভিডিঅ’ৰ পাছতে ভাৰতে এনেদৰে ফেইচবুক আৰ টিকটকক আহ্বান জনায়।
মঙলবাৰে টিকটকত প্ৰচাৰিত এটা ভিডিঅ’ত এগৰাকী লোকে তেওঁ মুছলমান হোৱা বাবে ক’ৰ’না ভাইৰাছক ভয় নকৰে বুলি উল্লেখ কৰিছিল। ভিডিঅ’টোত লোকজনে হজৰত মহম্মদৰ অনুগামী বুলি নিজকে উল্লেখ কৰাৰ লগতে তেওঁ একমাত্ৰ আল্লাকহে ভয় কৰে বুলিও কয়।
আন এটা ভিডিঅ’ত এগৰাকী মুছলমান যুৱকে নিজৰ মাস্কখন পেলাই দি ইছলাম ধৰ্মৰ টুপী পৰিধান কৰিছে।
এনেধৰণৰ বহু মিছা ভিডিঅ’ ফেইচবুক আৰু টুইটাৰত বৰ্তমান সময়ত প্ৰচাৰিত হৈ আছে।
এই সমগ্ৰ বিষয় সন্দৰ্ভত চিন্তা ব্যক্ত কৰি কেন্দ্ৰ তথ্য আৰু সম্প্ৰচাৰ মন্ত্ৰীয়ে ফেইচবুক আৰু টিকটকলৈ পত্ৰ লিখে।
পত্ৰখনত তথ্য আৰু সম্প্ৰচাৰ মন্ত্ৰ্যালয়ে যিসকল লোকে মিছা খবৰ বিয়পাই আৰু নিজৰ প্ৰকৃত তথ্য লুকুৱাই ৰাখে সেইসকল লোকক ফেইচবুক আৰু টিকটকৰ পৰা আতৰোৱাৰ বাবে বিভাগীয় কৰ্তৃপক্ষক আহ্বান জনায়।
উল্লেখযোগ্য যে, ছ’চিয়েল মিডিয়াত প্ৰচাৰ হোৱা বহু মিছা তথ্যই জনসাধাৰণক বিপথে পৰিচালিত কৰাৰ সম্ভাৱনা আছে।
