অলপতে ভাৰতৰ কৃষক বিদ্ৰোহৰ প্ৰতি সমৰ্থন ব্যক্ত কৰি ভাৰতত চৰ্চিত হৈ পৰা প’প কণ্ঠশিল্পী ৰিহানাৰ স্বদেশ বাৰবাদোজলৈ কোভিড ভেকচিন অনুদান হিচাপে প্ৰেৰণ কৰিছে ভাৰতে।
বাৰবাদোজৰ প্ৰধান মন্ত্ৰী মিয়া আমোৰ মোটেলীয়ে ভাৰতৰ প্ৰধান মন্ত্ৰী নৰেন্দ্ৰ মোদীক ধন্যবাদ জ্ঞাপন কৰে।
‘‘ধন্যবাদ অতি প্ৰয়োজনীয় অনুদানৰ বাবে,’’ বাৰবাদোজৰ প্ৰধান মন্ত্ৰী মিয়া আমোৰ মোটেলীয়ে এইদৰে লিখে।
উল্লেখযোগ্য যে, কিছুদিন পূৰ্বে প’প কণ্ঠশিল্পী ৰিহানাই টুইটাৰযোগে ভাৰতত চলি থকা কৃষকৰ প্ৰতিবাদলৈ সমৰ্থন আগবঢ়াইছিল।
ৰিহানাৰ টুইটৰ পাছতে বিশ্বৰ বিভিন্ন লোকে ৰিহানাক সমৰ্থন কৰিছিল যদিও ভাৰতৰ বহু চলচ্চিত্ৰৰ লগতে ক্ৰিকেটৰ তাৰকাই ৰিহানাক ভাৰতৰ আভ্যন্তৰীণ বিষয়ত মতামত প্ৰকাশ নকৰিবলৈ কৈছিল।
ৰিহানৰ উপৰিও ১৮ বছৰীয়া পৰিবেশ কৰ্মী গ্ৰেটা থানবাৰ্গেও ভাৰতত চলি থকা কৃষক আন্দোলনৰ প্ৰতি সমৰ্থন প্ৰকাশ কৰিছিল।
