তিনিচুকীয়া জিলাৰ লিডুৰ সমীপৰ মালুগাঁৱৰ এগৰাকী বাসিন্দা ৰাঙে হাখুন নামৰ ব্যক্তিক নিৰ্যাতনৰ অভিযোগ সম্পৰ্কীয় সংবাদ মাধ্যমৰ এক বাতৰি ভাৰতীয় সেনাই অস্বীকাৰ কৰিছে।
‘’বিতং আভ্যন্তৰীণ আৰু অসম আৰক্ষীৰ সৈতে চলোৱা যৌথ অনুসন্ধানৰ পাছত ভাৰতীয় সেনাই এই দাবী অস্বীকাৰ কৰে আৰু স্পষ্ট কৰি দিয়ে যে ভাৰতীয় সেনা বাহিনীৰ দ্বাৰা নিৰ্যাতনৰ অভিযোগ মিছা আৰু বিত্তিহীন,’’- এক বিবৃতিত ভাৰতীয় সেনাই কয়।
বিবৃতিটোত লগতে কোৱা হয় যে জাগুন প’ষ্টত কোনো ৰাজপুতনা ৰাইফলছৰ গোট নাই।
সেনাৰ বিবৃতিটোত দাবী কৰা হৈছে যে পুত্ৰৰ সৈতে ব্যক্তিগৰাকী, গাওঁবুঢ়াৰ পুত্ৰ আৰু তেওঁৰ গাওঁৱৰ আন লোকসকলক সংবাদ মাধ্যমৰ বাতৰিত কৰা দাবী নিশ্চিত কৰিবলৈ জাগুন সেনা শিৱিৰলৈ মাতি অনা হৈছিল।
সেই অনুসৰি, ব্যক্তিগৰাকীয়েও সংবাদ মাধ্যমক এক বক্তৱ্যও ৰাখিছিল।
‘’সংবাদ মাধ্যমৰ দিয়া বক্তৱ্যত ব্যক্তিগৰাকীয়ে প্ৰকাশ কৰিছে যে ভাৰতীয় সেনা বাহিনীয়ে তেওঁক উঠাই নিয়া নাছিল আৰু দাবী কৰা ধৰণে তেওঁক শিৱিৰত নিৰ্যাতন কৰা হোৱা নাছিল,’’-বিবৃতিটোত কোৱা হয়।
ভাৰতীয় সেনাই কয় যে ‘’ইয়াৰ বাহিনীসমূহে নিৰ্দ্ধাৰিত নিয়ম মানি অভিযান অব্যাহত ৰখাৰ লগতে কোনো ধৰণৰ মানৱ অধিকাৰ ভংগ কৰিব যিকোনো কামৰ ওপৰত তীক্ষ্ণ দৃষ্টি ৰাখে।‘
