বিশ্বৰ শ্ৰেষ্ঠ হুইস্কিৰ ভিতৰত অন্যতম ভাৰতৰ ‘ইন্দ্ৰি’। ভাৰতত নিৰ্মিত ইন্দ্ৰি হুইস্কিয়ে ২০২৩ চনৰ বাবে ‘বেষ্ট ইন শ্ব’, ডাবল গোল্ড’ বঁটা লাভ কৰিছে। ইন্দ্ৰিয়ে বিশ্বৰ আন ১০০ৰো অধিক হুইস্কিক পৰাস্ত কৰি শ্ৰেষ্ঠ হুইস্কি প্ৰতিযোগিতাত এই বঁটা লাভ কৰে। ২০২৩ চনৰ হুইস্কি অৱ দ্য ৱৰ্ল্ড এৱাৰ্ডছত বিশ্বৰ বিভিন্ন প্ৰান্তৰ ১০০ টাতকৈও অধিক হুইস্কিৰ মূল্যাংকন কৰা হয়। স্কচ, বাৰ্বন, কানাডিয়ান, অষ্ট্ৰেলিয়ান আৰু ব্ৰিটিছ চিংগল মল্টৰ বিখ্যাত আন্তঃৰাষ্ট্ৰীয় ব্ৰেণ্ড আছে। এই সকলোবোৰৰ ওপৰত ভাৰতৰ চিংগল মল্ট ইন্দ্ৰি হুইস্কিয়ে শ্ৰেষ্ঠ বঁটা লাভ কৰিছে।
ইন্দ্ৰি হৈছে ভাৰতৰ হাৰিয়ানাৰ পিকাডিলি ডিষ্টিলেৰীছৰ দ্বাৰা উৎপাদিত স্থানীয় হুইস্কি। ২০২১ চনত ইন্দ্ৰি হুইস্কিয়ে ইয়াৰ যাত্ৰা আৰম্ভ কৰে। এই ত্ৰিপল বেৰেল একক মল্ট ইন্দ্ৰি-ত্ৰিনি নামেৰে জনাজাত। এই হুইস্কিয়ে যোৱা দুবছৰত ১৪টাতকৈও অধিক আন্তঃৰাষ্ট্ৰীয় প্ৰশংসাপত্ৰ লাভ কৰিছে। এতিয়া ইন্দ্ৰীয়ে সমগ্ৰ বিশ্বতে হুইস্কিৰ ৰাজ্যত ৰাজত্ব কৰিছে। বিশেষকৈ চিংগল মল্ট হুইস্কিৰ তালিকাত ইন্দ্ৰিয়ে প্ৰথম স্থান লাভ কৰিছে।
লগতে পঢ়কঃ প্ৰায় ৬৫০ গৰাকী নাৰীৰ সৈতে ঘনিষ্ঠতা, লিপ্ত হৈছিল শাৰীৰিক সম্পৰ্কতো; কোন এই ক্ৰিকেটাৰ?
ইন্দ্ৰি হুইস্কি হাৰিয়ানাত তৈয়াৰ কৰা হয়। এই একক মল্ট সুৰা ছয় তৰপীয়া বাৰ্লিৰ পৰা তৈয়াৰ কৰা হয়। পৰম্পৰাগত ভাৰতীয় তামৰ পাত্ৰ ব্যৱহাৰ কৰি ইন্দ্ৰি তৈয়াৰ কৰা হয়। ইয়াৰ উপৰিও ইয়াত শুকান ফল, বাদাম, মছলা, ওক, বিটাৰছুইট চকলেট আদিও থাকে। ইন্দ্ৰি ট্ৰিপল-এজিং হুইস্কি, যিটো তিনিটা ভিন্ন পাত্ৰত তৈয়াৰ কৰা হয়। ফল-মূল, মছলা আৰু বাদামৰ সংমিশ্ৰণেৰে ইন্দ্ৰিৰ সোৱাদ অনন্য। ইয়াৰ উপৰিও উত্তৰ ভাৰতৰ জলবায়ুৰ উন্মাদনাত এই একক মল্টৰ সোৱাদ বৃদ্ধি পায়।
ইন্দ্ৰি চিংগল মল্টৰ এটা ৭৫০ মিলিলিটাৰৰ বটলৰ দাম প্ৰায় ৩৯৪০ টকা। ভাৰতৰ ১৯খন ৰাজ্যত এতিয়া উপলব্ধ হৈছে ইন্দ্ৰি-ত্ৰিনি। ইয়াৰ উপৰিও ইন্দ্ৰি হুইস্কি বিশ্বৰ ১৭খন দেশত উপলব্ধ। বঁটা লাভ কৰাৰ পিছত এইবাৰ অহা নৱেম্বৰৰ পৰা ভাৰতৰ সকলো ৰাজ্যতে ইন্দ্ৰি হুইস্কিৰ সোৱাদ ল’ব পাৰিব। ইয়াৰ উপৰিও ইন্দ্ৰি হুইস্কি আমেৰিকা যুক্তৰাষ্ট্ৰ আৰু ইউৰোপৰ কিছুমান বিশেষ দেশত পোৱা যাব।
