মঙলবাৰে গোপন প্ৰণালীৰে থলুৱাভাৱে নিৰ্মিত ক্ষেপণাস্ত্ৰ ধ্বংসকাৰী জাহাজ আই এন এছ ইম্ফল (INS Imphal)ক অন্তৰ্ভুক্ত কৰি ভাৰতে নিজৰ সামুদ্ৰিক সামৰ্থ্যক এক বৃহৎ শক্তি দিবলৈ সাজু হৈছে।
ব্ৰহ্মছ ছাৰ্ফেচ টু ছাৰ্ফেচ মিছাইলেৰে সজ্জিত এই জাহাজখন উত্তৰ-পূব অঞ্চলৰ এখন চহৰৰ নামেৰে নামাকৰণ কৰা প্ৰথমখন যুদ্ধ জাহাজ আৰু ভাৰত মহাসাগৰ অঞ্চলত চীনৰ কাৰ্যকলাপ বৃদ্ধি পোৱাৰ সময়তে ইয়াৰ আগমন ঘটিছে।
আই এন এছ ইম্ফলৰ অন্তৰ্ভুক্তি ভাৰতৰ জাহাজ নিৰ্মাণ উদ্যোগৰ বাবে এক উল্লেখযোগ্য মাইলৰ খুঁটি।
জাহাজখন হৈছে এক শক্তিশালী আৰু বহুমুখী প্লেটফৰ্ম, য’ত আছে অত্যাধুনিক অস্ত্ৰ আৰু চেন্সৰ, পৃষ্ঠৰ পৰা আকাশলৈ নিক্ষেপ কৰিব পৰা ক্ষেপণাস্ত্ৰ, জাহাজ প্ৰতিৰোধী ক্ষেপণাস্ত্ৰ, টৰ্পিডো আদি।
লগতে পঢ়কঃসময় বৰ নিষ্ঠুৰ! টকাৰ অভাৱত নিজৰ ঘড়ীটোও বিক্ৰী কৰি দিলে এসময়ৰ ধনকুবেৰ ৰাহুল নন্দাই!
ই ব্ৰহ্মছ মিছাইল, মধ্যম দূৰত্বৰ পৃষ্ঠৰ পৰা আকাশলৈ ক্ষেপণাস্ত্ৰ, চাবমেৰিন প্ৰতিৰোধী থলুৱা ৰকেট লঞ্চাৰ, আৰু ৭৬ মিমি ছুপাৰ ৰেপিড গান মাউণ্টকে ধৰি প্ৰায় ৭৫% উচ্চ থলুৱা সামগ্ৰীৰে সমৃদ্ধ।
১৬৪ মিটাৰ দৈৰ্ঘ্যৰ এই জাহাজখনে ৩০ নট (৫৬ কিলোমিটাৰ প্ৰতি ঘণ্টা)তকৈ অধিক বেগত গতি কৰিব পাৰে।
আই এন এছ ইম্ফলত থলুৱা ৰকেট লঞ্চাৰ, টৰ্পিডো লঞ্চাৰ আৰু চাবমেৰিন প্ৰতিৰোধী হেলিকপ্টাৰৰ সৈতে ছাবমেৰিন প্ৰতিৰোধী ক্ষমতাও থাকিব।
The @indiannavy is set to commission its latest Stealth Guided Missile Destroyer, #Imphal, at Naval Dockyard, Mumbai, on 26 Dec 2023 in the presence of RM Shri @rajnathsingh.#DestroyerImphal#NavalInduction
Read about #INSImphal here: https://t.co/JOrIdRLebl@giridhararamane pic.twitter.com/gAlrovemmC
— A. Bharat Bhushan Babu (@SpokespersonMoD) December 24, 2023
মঙলবাৰে (২৬ ডিচেম্বৰ, ২০২৩) মুম্বাইৰ নৌসেনাৰ ডকয়াৰ্ডত অনুষ্ঠিত হ’ব আই এন এছ ইম্ফলৰ কমিচনিং অনুষ্ঠান।
ভাৰতীয় নৌসেনাৰ যুদ্ধজাহাজ ডিজাইন ব্যুৰোৱে ডিজাইন কৰা চাৰিখন ‘বিশাখাপট্টনম’ শ্ৰেণীৰ ধ্বংসকাৰী জাহাজৰ ভিতৰত তৃতীয়খন জাহাজক আনুষ্ঠানিকভাৱে অন্তৰ্ভুক্ত কৰা হ’ব।
লগতে পঢ়কঃবেথলেহমত নাই পোহৰৰ মেলা; যীচুৰ জন্মস্থানত অহা নাই বৰদিন
ভাৰতৰ ৰাষ্ট্ৰীয় নিৰাপত্তা আৰু সমৃদ্ধিৰ ক্ষেত্ৰত অঞ্চলটোৰ গুৰুত্বৰ প্ৰতি সন্মান জনাই মণিপুৰৰ ৰাজধানী চহৰ ইম্ফলৰ নামেৰে জাহাজখনৰ নামকৰণ কৰা হৈছে।
১৮৯১ চনৰ ব্ৰিটিছ ভাৰত-মণিপুৰ (এংলো-মণিপুৰ) যুদ্ধৰ পৰা আৰম্ভ কৰি ১৯৪৪ চনত নেতাজী সুভাষ চন্দ্ৰ বসুৱে আই এন এৰ পতাকা উত্তোলন কৰালৈকে ইম্ফলে ভাৰতৰ ইতিহাসত উল্লেখযোগ্য ভূমিকা পালন কৰিছে।
