কাৰ্বি আংলঙৰ ডকমকাৰ দুষ্কৃতিকাৰীৰ নৃশংসতাৰ বলি হোৱা নীল-অভিৰ নামত উৎসৰ্গা কৰি সাঁতুৰিব প্ৰাক্তন আন্তঃৰাষ্ট্ৰীয় সন্তৰণবিদ এলভিছ আলি হাজৰিকাই। হাজৰিকাই সাঁতুৰি পাৰ হ’ব কেটেলিনা চেনেল। এই চেনেলৰ দৈৰ্ঘ্য প্ৰায় ২০ মাইল। মেক্সিক’ৰ সমুদ্ৰ তীৰলৈকে সাঁতুৰিব হাজিৰকাই। এই কথা আজি সংবাদমেলযোগে ঘোষণা কৰে এলভিছ আলি হাজৰিকাই।
তেওঁ কয় যে তেওঁৰ লগত একেলগে সাঁতুৰিব পশ্চিমবংগৰ সন্তৰণবিদ ৰিম’ চাহাই। চলিত বৰ্ষৰ স্বাধীনতা দিৱসৰ দিনটোতে নিশা ১১ বজাৰ পৰা দুয়োগৰাকীয়ে সাঁতোৰ আৰম্ভ কৰিব। এই উদ্দেশ্যে তেওঁ অহা ৬ আগষ্টত কেটেলিনা কেনেললৈ ৰাওনা হ’ব আৰু ২৩ আগষ্টত ঘূৰি আহবি বুলি আজিৰ সংবাদমেলত উল্লেখ কৰে।
জানিব পৰা মতে এই কেটেলিনা চেনেলত অজস্ৰ ডলফিন আৰু চা্ৰ্ক আছে। আৰু ইয়াৰ মাজতে অত্যন্ত সাহসেৰে নীল-অভিৰ নামত উৎসৰ্গিত কৰি কেটেলিনা চেনেলত সাঁতুৰিবলৈ লোৱা পদক্ষেপে বিশেষ চৰ্চা লাভ কৰিছে।
উল্লেখযোগ্য যে ৩৪ বছৰীয়া এলভিছ আলী হাজৰিকা প্ৰাক্তন আন্তঃৰাষ্ট্ৰীয় সন্তৰণবিদ যিয়ে উত্তৰ-পূবৰ পৰা প্ৰথম ইংলিছ চেনেল সাঁতুৰি পাৰ হোৱাৰ অভিলেখ গঢ়িছিল।
