বল অৱ দ্য চেঞ্চুৰী মনত আছেনে? কিংবদন্তি অষ্ট্ৰেলিয়াৰ লেগ স্পিনাৰৰ সেই ডেলিভাৰী! শ্বেন ৱাৰ্ণৰ মৃত্যু হৈছে যদিও তেওঁৰ বহু কৃতিত্ব ৰৈ গৈছে। তেনে এটা উদাহৰণ হ’ল মাইক গেটিঙক দিয়া ডেলিভাৰীটো। যিটো শতিকাৰ শ্ৰেষ্ঠ ডেলিভাৰী হিচাপে জনাজাত। কেৰিয়াৰৰ প্ৰথমখন টেষ্ট শৃংখলাত মানচেষ্টাৰৰ অল্ড ট্ৰেফৰ্ড ষ্টেডিয়ামত যাদুকৰী ডেলিভাৰীৰে মাইক গেটিঙক আউট কৰে ‘যুৱ’ শ্বেন ৱাৰ্নে।
সদ্যহতে ছচিয়েল মিডিয়াত ভাইৰেল হৈছে এক নতুন ডেলিভাৰী। প্ৰায় ৯০ ডিগ্ৰী টাৰ্ণ! এইটোকে শতিকাৰ শ্ৰেষ্ঠ ডেলিভাৰী বুলি কি ক’ব পাৰিনে?
লগতে পঢ়কঃ খেল চলি থকাৰ সময়তে খেলপথাৰত বজ্ৰ পৰি মৃত্যু ফুটবলাৰৰ; চাওক শিহৰণকাৰী ভিডিঅ’
শ্বেন ৱাৰ্ণৰ সেই ডেলিভাৰীটো কেতিয়াও পাহৰিব নোৱাৰি। অভাৰ দ্য উইকেট বলিং কৰি আছিল শ্বেন ৱাৰ্নে। লেগ ষ্টাম্পৰ বাহিৰত বল পিটচ কৰে। তাৰ পৰা বিশাল টাৰ্ণ। মাইক গেটিঙৰ অফষ্টাম্পত বলত আঘাত কৰে। মাইক গেটিঙৰ দৰে কিংবদন্তি বেটছমেনেও কিছুসময় ধৰি বুজিবই পৰা নাছিল।
এইটো কেনেকৈ সম্ভৱ? তাকো দ্বিতীয় দিনৰ পিটচত! পিছলৈ এনে বহু ডেলিভাৰীক লৈ চৰ্চা হৈছে। সেইবোৰ শতিকাৰ শ্ৰেষ্ঠ ডেলিভাৰী হ’ব পাৰে নেকি সেই বিষয়েও বিতৰ্ক চলিছে। ইয়াৰে বেছিভাগেই লেগ স্পিন।
unplayable.
via Kuwait Cricket pic.twitter.com/Nx44HdMah6
— That’s So Village (@ThatsSoVillage) February 11, 2024
সম্প্ৰতি ছ’চিয়েল মিডিয়াত ভাইৰেল হৈছে এটা ভিডিঅ’। কিংবদন্তি মুট্টিয়া মুৰলীথাৰণৰ সৈতে বহু মিল আছে বলাৰগৰাকীৰ একচন। অভাৰ দ্য উইকেট বলিং কৰি আছিল। অফস্পিন। সোঁহতীয়া বেটছমেনগৰাকীয়ে বলটো কাৰ্যতঃ পিটচৰ প্ৰান্তত পৰা দেখিলে। সেয়ে, তেওঁ অফষ্টাম্পৰ বাহিৰলৈ ওলাই গ’ল। কি শ্বট খেলিব! প্ৰায় ৯০ ডিগ্ৰী টাৰ্ণ লৈ বলটোৱে উইকেটত খুন্দা মাৰিলে। ক্ৰিকেটপ্ৰেমীসকলে সেয়া দেখি স্তম্ভিত হৈ পৰিছে।
Ball of the century 😱😱#aakashvani #CricketTwitter pic.twitter.com/GgqTQ0MxzD
— Aakash Chopra (@cricketaakash) February 12, 2024
কেৱল ক্ৰিকেটপ্ৰেমীয়েই নহয়, প্ৰাক্তন ভাৰতীয় অ’পেনাৰ আকাশ চোপ্ৰাও এই ডেলিভাৰীত আপ্লুত হৈছে। সেই ভিডিঅ’টো তেওঁ ছ’চিয়েল মিডিয়াতো পোষ্ট কৰিছে। তেওঁ লগতে লিখিছে, ‘বল অৱ দ্য চেঞ্চুৰী’।
