চলিত বছৰৰ ২৯ মাৰ্চৰ পৰা আৰম্ভ হ’ব বিশ্বৰ সবাটোকৈ জনপ্ৰিয় টি-২০ টুৰ্ণামেণ্ট আই পি এল। ত্ৰয়োদশ সংস্কৰণৰ উদ্বোধনী মেচখন মুম্বাইৰ ৱাংখেড়ে ষ্টেডিয়ামত মুম্বাই ইণ্ডিয়ানছ আৰু দিল্লী কেপিটেলছৰ মাজত অনুষ্ঠিত হ’ব।
দিল্লী কেপিটেলছৰ এজন বিষয়াই এই কথা জানিবলৈ দি কয় যে আই পি এলৰ প্ৰথম কেইখনমান মেচত অষ্ট্ৰেলিয়া, ইংলেণ্ড আৰু নিউজিলেণ্ডৰ ক্ৰিকেটাৰে অংশ ল’ব নোৱাৰে। উক্ত সময়ত এই দেশকেইখনে আন্তঃৰাষ্ট্ৰীয় মেচ খেলাত ব্যস্ত থাকিব।
তাৰকা ক্ৰিকেটাৰ অবিহনে ছিজনৰ আৰম্ভণি কৰাটো প্ৰতিটো দলৰ বাবেই প্ৰত্যাহ্বান হিচাপে দেখা দিব বুলিও দিল্লী কেপিটেলছৰ বিষয়াজনে উল্লেখ কৰে।
আনহাতে একাংশ দলে ২৯ মাৰ্চৰ বিপৰীতে ১ এপ্ৰিলৰ পৰা ছিজনৰ আৰম্ভণি হোৱাটো বিচাৰে। তদুপৰি বিষয়টো আই পি এল গৱৰ্নিং কাউন্সিলে গুৰুত্ব সহকাৰে ল’ব বুলিও আশা প্ৰকাশ কৰিছে।
