চিকিৎসা বিজ্ঞানৰ অগ্ৰগতিৰ ক্ষেত্ৰত জাপানী বিজ্ঞানীয়ে ইতিহাস গঢ়িলে। দেশখনৰ ওছাকা বিশ্ববিদ্যালয়ৰ বিজ্ঞানীসকলে ষ্টেম চেল চিকিৎসাৰ ক্ষেত্ৰত এক অভিনৱ দৃষ্টান্ত গঢ়ি তুলিছে। তেওঁলোকৰ এই প্ৰচেষ্টাত হেৰুৱা দৃষ্টিশক্তি ঘূৰাই অনা সম্ভৱ। লিম্বাল চেল ডেফিচিয়েন্সি (LSCD) নামৰ জটিল চকুৰ ৰোগত আক্ৰান্ত ৰোগীক ষ্টেম চেল থেৰাপী প্ৰয়োগ কৰি বিজ্ঞানীসকলে অভূতপূৰ্ব সফলতা লাভ কৰিছে।
এই দুৰাৰোগ্য ৰোগে কেৱল চকুৰ দৃষ্টিশক্তিত প্ৰভাৱ পেলোৱাই নহয়, পৰম্পৰাগত চিকিৎসা পদ্ধতিৰে ইয়াৰ চিকিৎসা আৰু নিৰাময় এতিয়ালৈকে দুৰূহ হৈ আছিল। কিন্তু জাপানী বিজ্ঞানীসকলে সেই অসাধ্য সাধন কৰি দেখুৱাই দিলে।
চিকিৎসা বিজ্ঞানৰ ইতিহাসত এনেকুৱা ঘটনা আগতে কেতিয়াও হোৱা নাই। ফলত আক্ষৰিক অৰ্থত ক’ব পাৰি যে বিশ্বৰ প্ৰথমটো ষ্টেম চেল থেৰাপীৰ প্ৰয়োগেৰে ওছাকা বিশ্ববিদ্যালয়ৰ বিজ্ঞানীসকলে অন্ধত্ব দূৰ কৰি হেৰুৱা দৃষ্টিশক্তি পুনৰুদ্ধাৰৰ ক্ষেত্ৰত এক দৃষ্টান্ত গঢ়ি তুলিছে।
লগতে পঢ়কঃ কেনেকৈ? ট্ৰাম্পৰ হাতত পৰাস্ত হৈও আমেৰিকাৰ প্ৰথমগৰাকী মহিলা ৰাষ্ট্ৰপতি হ’ব পাৰে কমলা হেৰিছ!
চিকিৎসা বিজ্ঞানে কয় যে এল এছ চি ডিৰ দ্বাৰা বেছিকৈ প্ৰভাৱিত হয় চকুৰ কৰ্ণিয়া। ইয়াৰ ফলত দীৰ্ঘদিনীয়া বিষ, ক্ৰমান্বয়ে দৃষ্টিশক্তি হেৰুৱাই পেলোৱা আৰু শেষত অন্ধত্ব আহি পৰে। চিন্তনীয়ভাৱে এই ৰোগৰ গতানুগতিক চিকিৎসাও সীমিত। ইয়াৰ আগতেও বিভিন্ন দেশৰ বিজ্ঞানীসকলে এই ৰোগ নিৰাময়ৰ বাবে বিভিন্ন পৰীক্ষা-নিৰীক্ষা কৰি আহিছে। কিন্তু সেই সকলোবোৰ প্ৰায় বিফল হৈছে। ইয়াত নিৰাময় পোৱাৰ পৰিৱৰ্তে ৰোগীয়ে অধিক পাৰ্শ্বক্ৰিয়াৰ সন্মুখীন হয়।
ওছাকা বিশ্ববিদ্যালয়ৰ চকুৰ চিকিৎসক কোজি নিছিদা আৰু তেওঁৰ সহযোগী বিজ্ঞানীসকলে কেইবাবছৰ ধৰি এই ৰোগৰ চিকিৎসাৰ বাবে ষ্টেম চেল থেৰাপীৰ ওপৰত গৱেষণা কৰি আহিছে। এই ক্ষেত্ৰত তেওঁলোকে বিভিন্ন ধৰণৰ কোষ ব্যৱহাৰ কৰে। অৰ্থাৎ প্লুৰিপটেণ্ট ষ্টেম চেল, যাৰ জৰিয়তে কৰ্ণিয়া ট্ৰান্সপ্লাণ্টেচন কৰা হয়।
লগতে পঢ়কঃ ১০ বছৰত দেশত পথ দুৰ্ঘটনাত মৃত্যু হৈছে ১৫.৩ লাখ লোকৰ; পূৰ্বৰ দশকৰ তুলনাত ৩ লাখ অধিক
বিজ্ঞানীসকলে এজন সুস্থ দাতাৰ পৰা ৰক্তকণিকা সংগ্ৰহ কৰি ভ্ৰূণৰ দৰে কোষীয় অৱস্থাত ‘পুনৰ প্ৰগ্ৰেম’ কৰে। আৰু তাৰ পিছত তেওঁ ইয়াক স্বচ্ছ-পাতল কৰ্ণিয়াৰ এপিথেলিয়াল কোষলৈ ৰূপান্তৰিত কৰিলে। শেষত এই কোষবোৰ প্ৰতিস্থাপন কৰা হয়। আৰু তাতেই সফলতা আহিল। ট্ৰান্সপ্লাণ্ট প্ৰক্ৰিয়াৰ পিছত ৰোগীসকলে পুনৰ হেৰুৱা দৃষ্টিশক্তি ঘুৰি আহে, চাৰিজনৰ ভিতৰত তিনিজনৰ ক্ষেত্ৰতে সফল হৈছে।
