ইংলেণ্ড আৰু ৱেলছত অনুষ্ঠিত হৈ থকা বিশ্বকাপ ক্ৰিকেট-২০১৯ত চমকপ্ৰদ প্ৰদৰ্শন অব্যাহত ৰাখিছে ভাৰতীয় দলৰ তাৰকা বেগী বলাৰ জাছপ্ৰীত বুমৰাহে।
আজি মানচেষ্টাৰত নিউজিলেণ্ডৰ বিৰুদ্ধে চেমি ফাইনেলত অৱতীৰ্ণ হৈছে ভাৰতীয় দলটো। টছত হাৰি বলিং কৰিবলৈ আৰম্ভ কৰা ভাৰতীয় দলটোৱে বুমৰাহৰ তীক্ষ্ন বলিঙেৰে দলীয় স্কোৰ মাত্ৰ এক ৰাণতে নিউজিলেণ্ডৰ অপেনিং বেটছমেন মাৰ্টিন গুপটিলক পেভিলিয়নৰ বাট দেখুৱায়।
বিশ্বকাপত এইবাৰ বিভিন্ন কাৰণত বাতৰিৰ শিৰোনাম দখল কৰা ভাৰতীয় দলটোৰ অন্যতম বেগী বলাৰ হৈছে জছপ্ৰীত বুমৰাহ।
বুমহাৰে চলিত বিশ্বকাপত বলাৰ হিচাপে আটাইতকৈ বেছি মেডেইন অভাৰ বলিং কৰি শিৰোনাম দখল কৰিছে। এইপৰ্য্যন্ত সোহতীয়া বেগী বলাৰগৰাকীয়ে ৯ টা মেডেইন অভাৰ তেওঁৰ নামত পজ্ঞীয়ন কৰিবলৈ সক্ষম হৈছে।
ইনিংছৰ শেষৰ ফালে বুমৰাহে কৰা মিতব্যয়ী বলিঙৰ বাবেই ভাৰতে শক্তিশালী বিপক্ষৰ দলসমূহক বৃহৎ ৰাণ কৰাৰ পৰা প্ৰতিহত কৰাত সফল হৈছে।
সঠিক য়ৰ্কাৰ, বেগী বাউঞ্চাৰ, শ্লো-বল আৰু তীব্ৰ গতিত অহা গুড লেনথৰ বল হৈছে বুমৰাহৰ বলিঙৰ অন্যতম অস্ত্ৰ।
