পাকিস্তানৰ প্ৰধানমন্ত্ৰী ইমৰাণ খানৰ প্ৰথমা পত্নী জেমিমা গ’ল্ডস্মিথে নতুনকৈ প্ৰেমত পৰিছে। ব্ৰিটেইনৰ চেলিব্ৰেটি পিটাৰ মৰ্গানৰ সৈতে জেমিমাৰ সম্পৰ্কই বাতৰিৰ শিৰোণামা দখল কৰিছে।
বৰ্তমান ৪৬বছৰ বয়সীয়া জেমিমাৰ ৫৭ বছৰীয়া পিটাৰৰ সৈতে এবছৰ ধৰি পৰিচয় আছিল। কেই সপ্তাহমানৰ পৰা তেওঁলোক এতিয়া একেলগে থাকিবলৈ আৰম্ভ কৰিছে।
পিটাৰ আৰু জেমিমাৰ প্ৰেমক লৈ আশ্চৰ্য প্ৰকাশ কৰিছে জনপ্ৰিয় ‘দ্য ক্ৰাউন’ ছিৰিজৰ লেখকগৰাকীৰ পত্নী অভিনেত্ৰী জিলিয়ান এণ্ডাৰছনে।
কেই সপ্তাহমান পূৰ্বেই ৫২ বছৰীয়া জিলিয়ানৰ পিটাৰৰ সৈতে সম্পৰ্কত ফাট মেলিছিল। তাৰকা দুগৰাকীৰ মাজত চাৰি বছৰজোৰা সম্পৰ্ক আছিল।
বাতৰি অনুসৰি, নৱবৰ্ষৰ আৰম্ভণিতে পিটাৰ আৰু জেমিমাই ডেটিং কৰিবলৈ আৰম্ভ কৰে আৰু ইতিমধ্যে দুয়ো একেলগে বাস কৰিবলৈ লৈছে।
পিটাৰ মৰ্গানে ১৯৯৭ চনত আনা কেৰোলিনা ছোয়াৰ্জনবাৰ্গক বিয়া কৰায় আৰু ২০১৪চন পৰ্যন্ত তেওঁলোকে সংসাৰ কৰে। তেওওঁলোকৰ পাঁচটি সন্তানো আছে।
আনহাতে, ১৯৯৭ চনত পাকিস্তান ক্ৰিকেট দলৰ প্ৰাক্তন অধিনায়ক আৰু বৰ্তমান দেশখনৰ প্ৰধানমন্ত্ৰী ইমৰাণ খানৰ সৈতে জেমিমাৰ বিয়া হয়।
২০০৪চনত ইমৰাণ-জেমিমাৰ বিচ্ছেদ ঘটে। তেওঁলোকৰো দুটা পুত্ৰ সন্তান আছে। ইয়াৰ পাছত জেমিমাই কেইবাটাও সম্পৰ্কত জড়িত হৈ পৰে।