Jennifer Lawrence হলিউদৰ জনপ্ৰিয় তাৰকা জেনিফাৰ লৰেন্স আৰু লিঅ’নাৰ্ডো ডি কেপ্ৰিওক ‘ড’ন্ট লুক আপ’ নামৰ ছবিখনত দেখা পোৱা যাব। অহা ২৪ ডিচেম্বৰত নেটফ্লিক্সত ছবিখন মুক্তি পাব।
ছবিখনত মহাকাশ বিশেষজ্ঞৰ ভূমিকাত অভিনয় কৰিছে হলীউদৰ তাৰকা দুগৰাকীয়ে।
তেওঁলোকে পৃথিৱীৰ দিশে প্ৰচণ্ড গতিত নামি অহা ধূমকেতুৰ বিষয়ে সংশ্লিষ্ট কৰ্তপক্ষক সতৰ্ক কাৰ লগতে এই বিষয়ে প্ৰয়োজনীয় পদক্ষেপ ল’বলৈ কয়। কিন্তু কোনেও তেওঁলোকৰ কথাত কাণসাৰ দিবলৈ সাজু নহয়। বৰঞ্চ ওলোটাই তেওঁলোকক অৱজ্ঞাহে কৰে।
বিজ্ঞানভিত্তিক এই ছবিখনৰ কাহিনী এনেদৰেই আগবাঢ়িছে।
ছবিখনত অস্কাৰ বিজয়ী অভিনেত্ৰী জেনিফাৰ লৰেন্সক একেলগে দুটাকৈ নাকফুলি পৰিধান কৰা দেখা গৈছে। গোটেই ছবিখনতে তেওঁৰ নাকত দুই ধৰণৰ দুটা নাকফুলি আছিল।
জানিব পৰা মতে, ছবিখনত ৩১ বছৰীয়া জেনিফাৰৰ চৰিত্ৰত গম্ভীৰতা অনাৰ লক্ষ্যৰে এয়া কৰা হৈছে। কিন্তু নাকফুলিয়ে জেনিফাৰৰ নাকৰ পানীৰ লগতে চকুপানীও নিগৰাইহে এৰিলে।
জেনিফাৰে কয়, ‘’চৰিত্ৰটোৰ বাবে সাজু হ’বলৈ মই বিশেষজ্ঞৰ সৈতে কথা পাতিছো। মোৰ চৰিত্ৰটোত গম্ভীৰতা আনিবলৈ নাকফুলি পৰিধান কৰাৰ সিদ্ধান্ত লওঁ। শ্বুটিঙৰ সময়ত নাকফুলি শ্বাস-প্ৰশ্বাসৰ সৈতে নাকৰ ভিতৰলৈ সোমাই গৈছে। পাছত থু’ৰ সৈতে মুখেৰে পুনৰ সেই নাকফুলি ছবিখনৰ নায়ক লিঅ’নাৰ্ডো ডি কেপ্ৰিওৰ সন্মুখতে বাহিৰলৈ উলিয়াই আনিছো। এই ঘটনা কেইবাবাৰো ঘটিছে।‘’