ৰিলায়েন্স জিঅ’ই স্বাধীনতা দিৱস উপলক্ষে এক বিশেষ অ’ফাৰ আগবঢ়াইছে।
এই নতুন অ’ফাৰ অনুসৰি গ্ৰাহকক JioFi 4G ৱায়েৰলেছ হটস্পট ক্ৰয় কৰিলে ৫মাহলৈকে বিনামূলীয়া ডাটা আৰু জিঅ’ৰ পৰা জিঅ’লৈ বিনামূলীয়া কলিঙৰ সুবিধা দিয়া হৈছে।
JioFi 4Gৰ মূল্য ১,৯৯৯টকা। এই অ’ফাৰৰ সুবিধা ল’বলৈ গ্ৰাহকে প্ৰথমতে JioFi ৰ বাবে কোনো এটা চলি থকা প্লেন ল’ব লাগিব।
এবাৰ ৰিলায়েন্স ডিজিটেল ষ্ট’ৰৰ পৰা JioFi হটস্পট ক্ৰয় তথা জিঅ’ ছীম এক্টিভেট হোৱাৰ পাছত গ্ৰাহকে JioFi ৰ বাবে থকা যিকোনো এটা ছিলেক্ট কৰিব পাৰে আৰু ইয়াক ডিভাইচৰ বাবে এক্টিভেট কৰিব পাৰে।
এবাৰ এক্টিভেট হোৱা ছীম ডিভাইচত লগোৱাৰ পাছত ১ঘন্টাৰ ভিতৰতে প্লেন আৰম্ভ হৈ যাব।
প্লেনৰ এক্টিভেশ্যন ষ্টেটাছ মাই জিঅ’ এপৰ জৰিয়তে চেক কৰিব পৰা যায়। JioFi ডিভাইচক কোম্পানীৰ ছাইটৰ পৰা অনলাইনতো ক্ৰয় কৰিব পাৰি।
JioFi ৰ আটাইতকৈ সস্তা প্লেনটোৰ মূল্য হৈছে ১৯৯টকা। ইয়াত প্ৰতিদিনে 1.5GB ডাটা পোৱা যায় আৰু ইয়াৰ ভেলিডিটি হৈছে ২৮দিন।
গ্ৰাহকে ৯৯টকাৰ অতিৰিক্ত আদায় দি আন কিছু সুবিধাও ল’ব পাৰে। অতিৰিক্ত পইচা দি গ্ৰাহকে জিঅ’ প্ৰাইম মেম্বাৰশ্বিপ, প্ৰতিদিনে 1.5GB ডাটা, অন নেট ফ্ৰী কলিং, প্ৰতি ২৮দিনৰ বাবে অফ নেট কলিঙৰ বাবে ১,০০০মিনিট আৰু ১৪০দিনৰ বাবে প্ৰতিদিনে ১০০টা নেশ্যনেল এছএমএছৰ সুবিধা লাভ কৰিব পাৰে।
JioFi ৰ দ্বিতীয়টো প্লেনৰ মূল্য ২৪৯টকা। ইয়াত ২৮দিনৰ বাবে প্ৰতিদিনে 2GB ডাটা দিয়া হৈছে। ইয়াতো গ্ৰাহকে ৯৯টকা অতিৰিক্ত ভৰাই জিঅ’ প্ৰাইম মেম্বাৰশ্বিপ, প্ৰতিদিনে 2GB ডাটা, অন নেট ফ্ৰী কলিং, প্ৰতি ২৮দিনৰ বাবে অফ নেট কলিঙৰ বাবে ১,০০০মিনিট আৰু ১১২দিনৰ বাবে প্ৰতিদিনে ১০০টা নেশ্যনেল এছএমএছৰ সুবিধা লাভ কৰিব পাৰে।
আনহাতে, তৃতীয়টো প্লেনৰ মূল্য হৈছে ৩৪৯টকা। ইয়াত গ্ৰাহকে ২৮দিনৰ বাবে 3GB ডাটা লাভ কৰিব। ইয়াতো গ্ৰাহকে ৯৯টকা অতিৰিক্ত ভৰাই জিঅ’ প্ৰাইম মেম্বাৰশ্বিপ, প্ৰতিদিনে 3GB ডাটা, অন নেট ফ্ৰী কলিং, প্ৰতি ২৮দিনৰ বাবে অফ নেট কলিঙৰ বাবে ১,০০০মিনিট আৰু ৮৪দিনৰ বাবে প্ৰতিদিনে ১০০টা নেশ্যনেল এছএমএছৰ সুবিধা লাভ কৰিব পাৰে।
