দক্ষিণ আফ্ৰিকাৰ বেগী বলাৰ কাগিচো ৰাবাদাই বৃহস্পতিবাৰে টেষ্ট ক্ৰিকেটত ২০০ উইকেট সম্পূৰ্ণ কৰিছে। তেওঁ এই কৃতিত্ব অৰ্জন কৰা দক্ষিণ আফ্ৰিকাৰ অষ্টম খেলুৱৈ।
ইয়াৰ উপৰি দ্ৰুততম ২০০ টেষ্ট উইকেট লোৱা তেওঁ দক্ষিণ আফ্ৰিকাৰ তৃতীয়গৰাকী বলাৰ হিচাপেও পৰিগণিত হয়।
সোঁহতীয়া বলাৰ ৰাবাদাই কৰাচীৰ নেশ্যনেল ষ্টেডিয়ামত পাকিস্তানৰ বিৰুদ্ধে চলি থকা প্ৰথম টেষ্টৰ প্ৰথম দিনটোত এই কৃতিত্ব অৰ্জন কৰে।
ডেল ষ্টেইন হৈছে ২০০ টেষ্ট উইকেট লাভ কৰা দক্ষিণ আফ্ৰিকাৰ আটাইতকৈ দ্ৰুততম আৰু এলান ড’নাল্ড হৈছে দ্বিতীয় দ্ৰুততম বলাৰ।
ইফালে পাকিস্তানৰ প্ৰাক্তন বেগী বলাৰ ৱাকাৰ য়ুনিছ (৭,৭৩০ বল) আৰু নিজৰেই দেশৰ ডেল ষ্টেইন (৭,৮৪৮ বল)ৰ পিছত সবাটোকৈ কম বলত ২০০ টেষ্ট উইকেট লোৱা ৰাবাডা তৃতীয় দ্ৰুততম বলাৰ হিচাপে পৰিগণিত হয়।
ৰাবাডাই ২০০ টা উইকেট সম্পূৰ্ণ কৰাৰ বাবে ৮,১৫৪ টা বল কৰিবলগীয়া হৈছে।
ক্ৰিকেটৰ দীৰ্ঘতম ফৰ্মেটোত এক আকৰ্ষণীয় কৃতিত্ব অৰ্জন কৰা ৰাবাডা হৈছে চতুৰ্থ কনিষ্ঠতম বলাৰ।
এই মুহূৰ্তত, ২০০তকৈও অধিক টেষ্ট উইকেট দখল কৰা বলাৰৰ মাজত ৰাবাডাৰ সৰ্বশ্ৰেষ্ঠ ষ্ট্ৰাইক ৰেট আছে।
ইফালে, পাকিস্তানে প্ৰথম টেষ্টৰ তৃতীয় দিনা প্ৰথম ইনিংছত সকলো উইকেট হেৰুৱাই ৩৭৮ ৰাণ কৰে আৰু প্ৰথম ইনিংছত ১৫৮ ৰাণৰ অগ্ৰগতি লাভ কৰে।
দক্ষিণ আফ্ৰিকাই তেওঁলোকৰ প্ৰথম ইনিংছত ২২০ ৰাণ সংগ্ৰহ কৰিছিল। আৰু বাতৰি লিখালৈকে তেওঁলোকৰ দ্বিতীয় ইনিংছত এটা উইকেট হেৰুৱাই ৬৮ ৰান সংগ্ৰহ কৰিছে।