National Press Day কলিয়াবৰ প্ৰেছ ক্লাবৰ উদ্যোগত আৰু কলিয়াবৰ মহকুমা প্ৰশাসনৰ সহযোগত ১৬ নৱেম্বৰত দিনজোৰা কাৰ্যসূচীৰে কলিয়াবৰ প্ৰেছ ক্লাবে উদ্যাপন কৰিব ৰাষ্ট্ৰীয় প্ৰেছ দিৱস।
প্ৰেছ দিৱস পালনৰ বাবে কলিয়াবৰ প্ৰেছ ক্লাবৰ প্ৰতিগৰাকী সংবাদকৰ্মী এতিয়া ব্যস্ত হৈ পৰিছে।
ৰাষ্ট্ৰীয় প্ৰেছ দিৱসত কলিয়াবৰ প্ৰেছ ক্লাবে বৰ্ণিল কাৰ্যসূচী আয়োজন কৰিছে বুলি জানিব পৰা গৈছে।
এই বৰ্ষত ৰাষ্ট্ৰীয় প্ৰেছ দিৱসৰ মূল বিষয় হৈছে “গণ মাধ্যমক সমীহ নকৰে কোনে” (Who is not Afraid of Media)।
উল্লেখযোগ্য যে¸ ১৬ নৱেম্বৰৰ দিনটো দেশত প্ৰতি বছৰে ৰাষ্ট্ৰীয় প্ৰেছ দিৱস হিচাপে পালন কৰা হয়।
১৯৬৬ চনৰ ৪ জুলাইত গঠন হোৱা ‘প্ৰেছ কাউন্সিল অব ইণ্ডিয়া’ই উক্ত বছৰতে ১৬ নৱেম্বৰৰ পৰা উচ্চতম ন্যায়ালয়ৰ তদানীন্তন ন্যায়াধীশ জে এল মুধলকাৰৰ অধ্যক্ষতাত আনুষ্ঠানিকভাৱে কাউন্সিলৰ কাম-কাজ আৰম্ভ কৰে।
তেতিয়াৰে পৰা উক্ত দিনটো সমগ্ৰ দেশতে ৰাষ্ট্ৰীয় প্ৰেছ দিৱস হিচাপে পালন কৰি অহা হৈছে।