ধুমুহাৰ সৃষ্টি কৰি কংগনাই এইবাৰ পাকিস্তান অধিকৃত কাশ্মীৰৰ সৈতে তুলনা কৰিলে মুম্বাইক

বলীউদৰ জনপ্ৰিয় অভিনেত্ৰী কংগনা ৰানাৱটে শিৱসেনাৰ নেতা সঞ্জয় ৰাউতৰ সৈতে ভালকৈয়ে ফেৰ পাতি লৈছে।

বলীউদৰ বহু তাৰকাক লক্ষ্য কৰি লোৱাৰ পাছত কংগনাই এইবাৰ শিৱসেনাৰ নেতা সঞ্জয় ৰাউতৰ বিৰুদ্ধে অভিযোগ আনিছে যে তেওঁ কংগনাক মুম্বাইলৈ উভতি নাহিবলৈ ধমক দিছে।

কংগনাই নিজৰ টুইটাৰ হেণ্ড’লত এটা টুইটৰ জৰিয়তে সঞ্জয় ৰাউতৰ সম্পৰ্কত মন্তব্য কৰি কৈছে যে তেওঁ এতিয়া মুম্বাইক পাকিস্তান অধিকৃত কাশ্মীৰ (POK) যেন অনুভৱ কৰিছে।

কংগনাই টুইটত লিখিছে: ‘’শিৱসেনাৰ নেতা সঞ্জয় ৰাউতে মোক মুকলিকৈ ধমক দিছে আৰু কৈছে যে মই এতিয়া যাতে মুম্বাইলৈ উভতি নাহো। প্ৰথমতে মুম্বাইৰ ৰাজপথত স্বাধীনতাৰ শ্ল’গান দিয়া হৈছিল আৰু এতিয়া মুকলিকৈ ধমক দিবলৈ লোৱা হৈছে। মুম্বাইত পাকিস্তান অধিকৃত কাশ্মীৰৰ দৰে কিয় অনুভৱ হ’বলৈ ধৰিছে?’’

প্ৰকৃততে, কংগনাই যোৱা কিছুদিন ধৰি নিজৰ বাবে সুৰক্ষাৰ দাবী কৰি আহিছিল। এই সন্দৰ্ভত তেওঁ কেন্দ্ৰীয় চৰকাৰ আৰু প্ৰধান মন্ত্ৰী মোদীৰ পৰা সহায় বিচাৰিছিল। যোৱা দিনবোৰত তেওঁ কৈছিল যে তেওঁ বলীউদৰ ড্ৰাগছৰ লিংক সম্পৰ্কত বহুত কথা জানে আৰু তেওঁ নাৰকোটিকছ কন্ট্ৰ’ল ব্যুৰোক সহায় কৰিব বিচাৰে। কিন্তু ইয়াৰ বাবে তেওঁক সম্পূৰ্ণ সুৰক্ষা লাগে।

কংগনাৰ এই বক্তৱ্যৰ পাছত বিজেপি নেতা ৰাম কদমে মহাৰাষ্ট্ৰ চৰকাৰক টুইটৰ জৰিয়তে কয় যে কংগনাই সুৰক্ষা বিচাৰিছে।

Sanjay Raut Shiv Sena leader has given me an open threat and asked me not to come back to Mumbai, after Aazadi graffitis in Mumbai streets and now open threats, why Mumbai is feeling like Pakistan occupied Kashmir? https://t.co/5V1VQLSxh1

— Kangana Ranaut (@KanganaTeam) September 3, 2020

ইয়াৰ পাছতে কংগনাই টুইট কৰি কৈছিল যে তেওঁ হিমাচল প্ৰদেশ চৰকাৰ বা কেন্দ্ৰীয় চৰকাৰৰ পৰা সুৰক্ষা বিচাৰিছে। মুম্বাই আৰক্ষীৰ পৰাতো তেওঁৰ বিপদ আছে।

কংগনাৰ এই বক্তৱ্যৰ পাছত সঞ্জয় ৰাউতে তেওঁক কয় যে তেওঁ যাতে মু্ম্বাইলৈ উবতি নাহে।

শিৱসেনাৰ মুখপত্ৰ ‘সামনা’ত ৰাউতে কয়,’’মুম্বাইত থাকিয়েই মুম্বাই আৰক্ষীৰ সমালোচনা কৰা আৰু কংগনাই এইদৰে কোৱাটো বিপদজনক। এই তেওঁক আহ্বান জনাইছো তেওঁ যাতে মুম্বাইলৈ ঘুৰি নাহে। এয়া মুম্বাই আৰক্ষীৰ প্ৰতি অৱমাননা। গৃহ মন্ত্ৰ্যালয়ে ইয়াৰ ওপৰত কাৰ্য ব্যৱস্থা গ্ৰহণ কৰিব লাগে। ‘’