বৰপেটা জিলা কৰ্মচাৰী পৰিষদে বিগত কেইবছৰ ধৰি সুধাকণ্ঠ ডঃ ভূপেন হাজৰিকাৰ জন্ম জয়ন্তীত ব্যতিক্ৰমী কাৰ্যসূচী গ্ৰহণ কৰি আহিছে ৷ এইবাৰো ব্যতিক্ৰমী ধাৰা অব্যাহত ৰাখি কৰ্মচাৰী পৰিষদে বৰপেটা চিকিৎসা মহাবিদ্যালয়ৰ ফিজিঅ’থেৰাপি বিভাগৰ সহযোগত বৰপেটা চহৰত আজি অনুষ্ঠিত কৰে বিনামূলীয়া ফিজিঅ’থেৰাপি শিবিৰ ৷
সুধাকণ্ঠ ডঃ ভূপেন হাজৰিকাৰ ৯২ সংখ্যক জন্ম জয়ন্তী আৰু বিশ্ব ফিজিঅ’থেৰাপি দিৱস উপলক্ষে এই বিনামূলীয়া ফিজিঅ’থেৰাপি শিবিৰৰ আয়োজন কৰা হয় ৷ শিবিৰৰ আৰম্ভণিতে সুধাকণ্ঠৰ প্ৰতি জনোৱা শ্ৰদ্ধাঞ্জলি অনুষ্ঠান উদ্বোধন কৰে বৰপেটা জিলা কৰ্মচাৰী পৰিষদৰ সভাপতি অপূৰ্ব কুমাৰ শৰ্মাই ৷
বিনামূলীয়া ফিজিঅ’থেৰাপি শিবিৰ উদ্বোধন কৰে জিলা কৰ্মচাৰী পৰিষদৰ উপ সভাপতি নুৰুল ইছলামে। অনুষ্ঠানত উপস্থিত থাকে জিলা কৰ্মচাৰী পৰিষদৰ সম্পাদক উৎপল দাস, কৰ্মচাৰী পৰিষদৰ কেন্দ্ৰীয় সমিতিৰ সদস্য আজাদ হুছেইন শ্বৰীফৰ লগতে অন্যান্য বিষয়ববীয়াসকল ৷
শিবিৰত চিকিৎসক ইউছুফ আলী, ধনজিৎ শৰ্মা, উৎপল হালৈ, ৰুপম হালৈ, আলতাফ হুছেইন আহমেদে আঠুৰ বিষ, কঁকালৰ বিষৰ ৰোগীক ফিজিঅ’থেৰাপি প্ৰদান কৰাৰ লগতে পেৰালাইচিচ ৰোগীসকলক বিভিন্ন পৰামৰ্শ প্ৰদান কৰে।
