বলীউদৰ মোহময়ী অভিনেত্ৰী ৰাণী মুখাৰ্জীৰ পিতৃ-মাতৃক এবাৰ তেওঁৰ শহুৰেক যশ চোপ্ৰাই ঘৰত বন্ধ কৰি ৰখাৰ ভাবুকি দিছিল। অৱশ্যে তেতিয়াও তেওঁলোকৰ মাজত পাৰিবাৰিক সম্পৰ্ক গঢ়ি উঠা নাছিল।
ৰাণীৰ পিতৃ ৰাম মুখাৰ্জী আৰু মাতৃ কৃষ্ণা মুখাৰ্জীয়ে যশ চোপ্ৰাৰ কাৰ্যালয়লৈ তেওঁলোকৰ কন্যাৰ বাৰ্তা লৈ উপস্থিতি হৈছিল। তাতেই ঘটে ঘটনাটো। কিন্তু কিয় যশ চোপ্ৰাই কিয় দিলে এনে ভাবুকি?
ৰাণী মুখাৰ্জীয়ে ২০০২ চনত যশৰাজ ফিল্মছৰ সৈতে ‘মুজছে দোস্তি কৰোগে’ ছবিখনত অভিনয় কৰিছিল। তাৰ পাছত প্ৰায় আঠ মাহ কোনো ছবিৰ কাম কৰা নাছিল ৰাণীয়ে।
‘কুছ কুছ হোতা হোয়’ৰ নায়িকা ৰাণীয়ে ছবিৰ বাবে অহা যিকোনো প্ৰস্তাৱেই প্ৰত্যাখ্যান কৰিছিল। ৰাণীৰ এনে কাণ্ডত স্তম্ভিত হৈ পৰে তেওঁৰ পিতৃ-মাতৃ। ৰাণীয়ে কোনো কাম কৰাৰ ইচ্ছা নকৰি ঘৰতে বহি থকাৰ সিদ্ধান্ত লৈছিল।
Also Read: Students Suicide in India ভাৰতত ২০২০ বৰ্ষত ১২ হাজাৰতকৈয়ো অধিক শিক্ষাৰ্থীয়ে কৰিছে আত্মহত্যা
ইয়াৰ মাজতে ২০০২ চনতে আকৌ যশ চোপ্ৰাৰ পৰা ‘ছাথিয়া’ ছবিখনৰ বাবে ৰাণীলৈ প্ৰস্তাৱ আহে। কিন্তু ৰাণীয়ে নিজে নগৈ পিতৃ-মাতৃক যশ চোপেৰাৰ কাৰ্যালয়লৈ প্ৰেৰণ কৰে আৰু ছবিখনত কাম নকৰাৰ কথা ক’বলৈ কয়।
ৰাণী মুখাৰ্জীৰ বাৰ্তা পোৱাৰ লগে লগে ৰাণীৰ পিতৃ-মাতৃক কাৰ্যালয়তে বহুৱাই ৰাখি ৰাণীলৈ ফোন কৰে যশ চোপ্ৰাই।
যশ চোপ্ৰাই কয়,’’ আইজনী, এই ছবিখন তোমাৰ বাবে লিখা হৈছে। যেতিয়ালৈকে তুমি মান্তি নোহোৱা তেতিয়ালৈকে তোমাৰ মা-দেউতাক মই ঘৰত বন্ধ কৰি ৰাখিম।‘’
Also Read:Heinous Murder চতিয়াত নৃশংস হত্যাকাণ্ড; শহুৰেকক দাৰে ঘপিয়াই হত্যা জোৱায়েকৰ
পাছত এক সাক্ষাৎকাৰত ৰাণী মুখাৰ্জীয়ে কৈছিল যে মি আজিও তেওঁৰ ওচৰত কৃতজ্ঞ। মই সেইদৰে ভাবুকি নিদিয়া হ’লে ‘ছাথিয়া’ৰ দৰে এখন ছবিত অভিনয় কৰিব নাপালোহেতেন।
উল্লেখ্য যে ‘ছাথিয়া’ত ৰাণী মুখাৰ্জীৰ বিপৰীতে অভিনয় কৰিছিল বিবেক অ’বেৰয়ে। ছবিখনত দুয়োৰে কেমেষ্ট্ৰি দৰ্শকে বৰ পছন্দ কৰিছিল।
ৰাণীয়ে পাছত যশ চোপ্ৰাৰ জ্যেষ্ঠ পুত্ৰ আদিত্য চোপ্ৰাক বিয়া কৰায়।
