Operation Against Drugs ৰাজ্যজুৰি ড্ৰাগছৰ বিৰুদ্ধে অসম আৰক্ষীৰ অভিযান অব্যাহত থকাৰ সময়তে দেওবাৰে খোদ কোকৰাঝাৰ চহৰত ড্ৰাগছ আসক্ত এজন যুৱকক আটক কৰা হৈছে৷
আটক যুৱক গৰাকী কোকৰাঝাৰৰ বাগানশালিৰ ডেলফেনিয়াম ব্ৰহ্ম (২০)বুলি জানিব পৰা গৈছে ৷
ধৃত যুৱক গৰাকীয়ে সদৰি কৰা মতে তেওঁৰ সহযোগী নাৰায়ন দাস নামৰ আন এজন যুৱক আছিল আৰু আৰক্ষীৰ উমান পাই পলাই যাবলৈ সক্ষম হৈছে ৷
বাতৰি মতে দেওবাৰে বিয়লি কোকৰাঝাৰ চহৰৰ আৱৰ্ত ভৱনৰ সমীপৱৰ্ত্তী গৌৰনগৰত ড্ৰাগছ আসক্ত দুই যুৱক ক্ৰমে ডেলফেনিয়াম ব্ৰহ্ম আৰু নাৰায়ন দাসে ড্ৰাগছ সেৱন কৰি আছিল৷
Also Read: Covid Update ৰাজ্যত নতুনকৈ কিমানজন আক্ৰান্ত হ’ল কোভিডত? কিমানে প্ৰাণ হেৰুৱালে মাৰাত্মক ভাইৰাছত?
পিছত আৰক্ষীয়ে ঘটনাটোৰ খবৰ পাই উক্ত স্থানত উপস্থিত হৈ ইয়াৰে ডেলফেনিয়াম ব্ৰহ্মক তিনিটা কন্টেইনাৰসহ প্ৰায় তিনি গ্ৰাম ড্ৰাগছৰ সৈতে গ্ৰেপ্তাৰ কৰে যদিও নাৰায়ন দাসে পলায়ন কৰিবলৈ সক্ষম হয় ৷
ধৃত ডেলফেনিয়াম ব্ৰহ্মক কোকৰাঝাৰ সদৰ থানাত জেৰা অব্যাহত ৰাখিছে আৰক্ষীয়ে।
