কুলশী নদীত ৫৫ মেগাৱাটৰ জলবিদ্যুৎ প্ৰকল্পৰ প্ৰস্তাৱৰ বিৰুদ্ধে দক্ষিণ-পশ্চিম অসমত ১৯টা সংগঠনৰ সদস্যই ২৫ জুনত প্ৰতিবাদ সাব্যস্ত কৰে। অসমৰ মুখ্যমন্ত্ৰী হিমন্ত বিশ্ব শৰ্মা আৰু মেঘালয়ৰ মুখ্যমন্ত্ৰী কনৰাড কে চাংমাক স্মাৰক পত্ৰ দাখিল কৰে।
২ জুনত আন্তঃৰাজ্যিক সীমান্তৰ বিবাদিত অঞ্চলসমূহ সমাধানৰ লক্ষ্যৰে এখন বৈঠকৰ অন্তত এই প্ৰকল্পৰ কথা ঘোষণা কৰিছিল। সদৌ ৰাভা ছাত্ৰ সন্থা আৰু খাচী ছাত্ৰ সন্থাকে ধৰি সংগঠনসমূহে এই বান্ধ নিৰ্মাণৰ পৰিকল্পনা অযুক্তিকৰ বুলি মত প্ৰকাশ কৰে আৰু ইয়াৰ ফলত স্থানীয় কৃষি, মীন আৰু পৰিৱেশত বিৰূপ প্ৰভাৱ পৰিব বুলি মত প্ৰকাশ কৰে। আৰু চৰকাৰৰ এনে সঠকাৰী সিদ্ধান্তৰ বিৰোধিতা কৰি অহিছে।
বিশেষকৈ খৰালি কালত নদীৰ পানীৰ স্তৰ আৰু প্ৰস্তাৱিত বান্ধৰ স্থানৰ পৰা মাত্ৰ ৩ কিলোমিটাৰ দূৰত্বত অৱস্থিত চানডুবিকে ধৰি ১২টা জলাশয়ত ইয়াৰ প্ৰভাৱৰ বিষয়ে উদ্বেগ প্ৰকাশ কৰে। ক্ষতিগ্ৰস্ত জনসংখ্যাৰ ভিতৰত গাৰো, খাচী আৰু ৰাভা জনজাতি জনগোষ্ঠীৰ কেইবাখনো গাঁও আছে, যিয়ে মাটিৰ নথি-পত্ৰৰ অভাৱত জীৱিকা আৰু ক্ষতিপূৰণৰ যোগ্যতা হেৰুৱাৰ আশংকা প্ৰকাশ কৰিছে।
ইয়াৰোপৰি কুলশী নদীৰ পৰিৱেশগত গুৰুত্বৰ ওপৰত আলোকপাত কৰি সংস্থাসমূহে আই ইউচিএনৰ বিলুপ্ত প্ৰায় জীৱৰ তালিকাত থকা গংগা নদীৰ ডলফিনৰ বাবে সম্ভাৱ্য ভাবুকিৰ কথাও উল্লেখ কৰে। আৰু দুয়োখন ৰাজ্য চৰকাৰক এই প্ৰকল্পৰ বিষয়ে পুনৰ বিবেচনা কৰি এই সিদ্ধান্ত বাতিল কৰিবলৈ আহ্বান জনায়।
উল্লেখ্য যে চানডুবিৰ ৰাইজে উন্নয়নৰ নামত জৈৱবৈচিত্ৰ ধ্বংসকাৰী তথা জনজীৱন বিপন্ন কৰিব পৰা চৰকাৰ এনে প্ৰকল্পৰ বিৰুদ্ধে প্ৰতিবাদ কৰি অহিছে।
