অশান্ত মণিপুৰ : মুখ্যমন্ত্ৰীৰ সভাত জুই লগাই দিলে ক্ষোব্ধ জনতাই, ইণ্টাৰনেট কৰ্তন, ১৪৪ ধাৰা
প্ৰতিবাদ আৰু বিৰোধেৰে উত্তাল হৈ পৰিছে মণিপুৰৰ পৰিৱেশ। বৃহস্পতিবাৰে নিশা চুৰাচান্দপুৰৰ মুখ্যমন্ত্ৰী এন বীৰেণ সিঙৰ সভাস্থলীত জুই জ্বলাই দিয়ে ক্ষুব্ধ জনতাই। কেৱল জুই লগোৱাই নহয়, গোটেই নিশা আৰক্ষী আৰু প্ৰতিবাদকাৰীৰ মাজত চলে ভয়ানক সংঘৰ্ষ।
আৰক্ষীয়ে দাবী কৰা মতে, মুখ্যমন্ত্রী বীৰেন সিং সভাস্থলীত উপস্থিত হোৱাৰ ঠিক আগতেই উন্মাদ জনসাধাৰণে সভাস্থলীত জুই লগাই দিয়ে।
বৃহস্পতিবাৰে সৃষ্টি হোৱা এই অশান্ত পৰিস্থিতিৰ বাবে শুকুৰবাৰৰ ৰাতিপুৱা ৰাজ্যখনৰ কেইবাটাও অঞ্চলত ১৪৪ ধাৰা জাৰি কৰা হৈছে। লগতে বন্ধ কৰি দিয়া হৈ ইন্টাৰনেট সেৱা।
চৰকাৰী সূত্ৰৰ মতে, স্থানীয় জনজাতীয় মঞ্চৰ নেতাৰ নেতৃত্বত এই প্ৰতিবাদ সাব্যস্ত কৰা হৈছে।
উল্লেখ্য যে মণিপুৰৰ বিজেপি চৰকাৰৰ বিৰুদ্ধে আন্দোলনকাৰীৰ অভিযোগ মূলতঃ দুটা। প্ৰথমটো হৈছে ৰাজ্যৰ বিভিন্ন সংৰক্ষিত বনাঞ্চল আৰু জলাশয়ৰ ওপৰত থকা বননিবাসী জনগোষ্ঠীসকলৰ পৰম্পৰাগত অধিকাৰ কাঢ়ি লোৱা। দ্বিতীয়তে, ৰাজ্যক গীৰ্জাসমূহৰ ওপৰত পৰিকল্পিত আক্ৰমণৰ ঘটনা।
এই দুটা অভিযোগৰ বাবেই ৰাজ্যখনৰ জনজাতীয় মঞ্চই এতিয়া উত্তাল কৰি ৰাখিছে মণিপুৰ।