লিমকা বুক অৱ ৱৰ্ল্ড ৰেকৰ্দছকে ধৰি কেবাখনো ৰেকৰ্দ বুকত বহুকেইটা ৰেকৰ্ড সৃষ্টি কৰা চতিয়াৰ যুৱক বসন্ত দাস আৰু নাই।
বহুদিন ধৰি এনকেফেলাইটিছ ৰোগত ভুগি গুৱাহাটীৰ হায়াট হস্পিটালত চিকিৎসাধীন হৈ মৃত্যুৰে যুঁজি থকা দাসক শুকুৰবাৰে নিশা ঘৰলৈ অনাৰ পিছতে মৃত্যু হয়।
২০১৩ চনত হেণ্ডেল নধৰাকৈ বাইক চলাই বাইকৰ ওপৰত লোকবাদ্য বজোৱা, ২০১৫ চনত গহপুৰৰ পৰা কলিয়াভোমোৰালৈ ব্ৰহ্মপুত্ৰ সাঁতুৰি সাঁতুৰি লোকবাদ্য বজোৱা, ২০১৬ চনত এখন চাইকেলত ১৫ জনতকৈও অধিক শিশুক উঠোৱা আদি আচহুৱা কৰ্ম সম্পাদনেৰে দাসে লিমকা বুক অৱ ৰেকৰ্ড, ইণ্ডিয়া বুক অৱ ৰেকৰ্ডছ, এচিয়া বুক অৱ ৰেকৰ্ডকে আদি কৰি ২০টাতকৈও অধিক ৰেকৰ্ড স্থাপন কৰি বসন্তই পৰিচিতি লাভ কৰিছিল।
গড় হত্যা ৰোধৰ বাবেও বিভিন্ন ব্যতিক্ৰমী পদক্ষেপ গ্ৰহন কৰি সকলোৰে দৃষ্টি আকৰ্ষন কৰিছিল বসন্তই ৷ বসন্তৰ পৰৱৰ্তী লক্ষ্য আছিল গ্ৰীণিজ বুক অফ ওৱৰ্লড ৰেকৰ্ড কৰা।
কিন্ত শেহতীয়াকৈ গিনিজ বুকৰ ৰেকৰ্দৰ বাবে অনুশীলন কৰি থাকোঁতেই যুৱকজন এনকেফেলাইটিছত আক্ৰান্ত হয় আৰু মৃত্যুৰে ২মাহ যুঁজি অৱশেষত শেষ নিশ্বাস ত্যাগ কৰে বসন্তৰ৷
যুৱকজনৰ মৃত্যুত জন্ম ঠাই চতিয়াৰ লগতে সমগ্ৰ বিশ্বনাথ জিলাতেই শোকৰ ছাঁ পৰিছে।
বিশ্বনাথৰ বিভিন্ন দল-সংগঠনে যুৱকজনৰ মৃত্যুত সমবেদনা জনোৱাৰ লগতে চেম্পিয়নছ মে’কাৰ একাডেমিয়ে শনিবাৰে সন্ধ্যা বিশ্বনাথ চাৰিআলিৰ পুলিছ পইন্টত বন্তি প্ৰজ্বলন কৰাৰ লগতে আৰু ১ মিনিট মৌন প্ৰাৰ্থনা কৰে।
