বেইজিং বিমানবন্দৰত মেছিক আটক কৰিলে চীনৰ আৰক্ষীয়ে! কিন্তু কিয়? চাওক ভিডিঅ’

চীনত খেলিবলৈ যোৱাৰ সময়তে বিপদত পৰিছে লিয়নেল মেছি। বেইজিং বিমানবন্দৰত ভৰি দিয়াৰ লগে লগে চীনৰ আৰক্ষীয়ে আৰ্জেণ্টিনাৰ ছুপাৰষ্টাৰগৰাকীক আটক কৰে। ইতিমধ্যে ভাইৰেল হৈ পৰিছে এই ঘটনাৰ ভিডিঅ’।

কিন্তু বিমানবন্দৰত তেওঁক এইদৰে আটক কৰাৰ কাৰণ কি? দৰাচলতে ১৫ জুন বৃহস্পতিবাৰে দেশৰ জাৰ্চি পিন্ধি অষ্ট্ৰেলিয়াৰ বিৰুদ্ধে খেলিব মেছিয়ে। সেই মেচখন ৱৰ্কাৰছ ষ্টেডিয়ামত অনুষ্ঠিত হোৱাৰ কথা। যাৰ বাবে তিনিদিন পূৰ্বে চীনত উপস্থিত হৈছিল লিঅ’নেল মেছি।

কিন্তু বিমানবন্দৰত ভৰি দিয়াৰ লগে লগে চীনৰ সীমান্ত আৰক্ষীয়ে আৰ্জেণ্টিনাৰ অধিনায়কগৰাকীক আটক কৰে।

লগতে পঢ়ক: কি ঘটিছে বিশ্বত! ৰাছিয়া দিৱসত পুটিনক ‘পূৰ্ণ সমৰ্থন’ৰ প্ৰস্তাৱ কিম জঙৰ

জানিব পৰা মতে ভিছাৰ সমস্যাৰ বাবে তেওঁক আটক কৰি ৰখা হৈছিল। আচলতে মেছিয়ে আৰ্জেণ্টিনাৰ পাছপ’ৰ্ট লৈ বিমানবন্দৰত অৱতৰণ কৰাৰ কথা আছিল। কিন্তু ভুলতে তেওঁ স্পেনিছ পাছপ’ৰ্ট লৈ উপস্থিত হ’ল। আৰু সেইটোৱেই সকলো অথন্তৰৰ কাৰণ।

মেছিক আটক কৰি প্ৰায় আধা ঘণ্টা ধৰি আলোচনা হয়। তাৰ পিছত সমস্যাটো মীমাংসা হয়। বন্দৰ কৰ্তৃপক্ষই মেছিক বেইজিঙত প্ৰৱেশৰ অনুমতি দিয়ে। বিমানবন্দৰত চীনৰ সীমান্ত আৰক্ষীয়ে তেওঁক আটক কৰা ভিডিঅ’ ভাইৰেল হৈ পৰে ছ’চিয়েল মিডিয়াত।

Earlier today at the Beijing airport, Leo Messi faced some issues with his passport. pic.twitter.com/rLNwI3W4nJ

— Leo Messi 🔟 Fan Club (@WeAreMessi) June 10, 2023

উল্লেখ্য যে ৭ বাৰৰ বেলন ডি অ’ৰ বিজয়ী মেছিয়ে পি এছ জিৰ সৈতে সকলো সম্পৰ্ক শেষ কৰাৰ পিছত ইণ্টাৰ মিয়ামিত চুক্তিবদ্ধ হৈছে। জুলাইৰ পৰা তেওঁ নতুন ক্লাবৰ জাৰ্চি পিন্ধিব। কিন্তু তাৰ আগতে অষ্ট্ৰেলিয়াৰ বিৰুদ্ধে দেশৰ হৈ খেলিবলৈ বেইজিঙলৈ আহিছে মেছি।