বিশ্বনাথৰ কাঠনিবাৰীত এক জঘন্য ঘটনা ঘটিছে ৷ মহিম শৰ্মা নামৰ এজন ৫৮ বছৰীয়া লোকে এগৰাকী ৭ বছৰীয়া কণমানি কন্যা শিশুক বলাৎকাৰ কৰাৰ অভিযোগ কৰিছে কণমানি গৰাকীৰ পৰিয়ালে ৷
ইয়াৰ পাছতে স্থানীয় ৰাইজে লোকজনৰ মুখত চূণ সানি, চেন্দেলৰ মালা পিন্ধাই উত্তম মধ্যম দি গাঁৱত ঘুৰাই ফুৰে ৷ পিছত ঘটনাস্থলীত জিনজিয়া আৰক্ষী উপস্থিত হৈ লোকজনক থানালৈ লৈ আনে ৷
লগতে পঢ়ক: টীয়কৰ চেলেংহাট হালোৱা গাঁৱত এগৰাকী মহিলাৰ মৃতদেহ উদ্ধাৰ
ঘটনা অনুসৰি, মহিম শৰ্মা নামৰ লম্পটজনে শুকুৰবাৰে ঘৰৰ কাষৰে ৭ বছৰীয়া কন্যা শিশুটিক সমনীয়াৰ সৈতে খেলি থকাৰ পৰা ফুচুলাই মাতি আনি এই জঘন্য কাণ্ড সংঘটিত কৰে। সেইদৰে, শনিবাৰেও লম্পট মহিমে কনমানিজনীক মাতে যদিও তাই নাহে আৰু আগৰ সকলো কথা মাকক বিবৰি কয়।
তেতিয়াই পৰিয়ালে মহিম শৰ্মাৰ অপকৰ্মৰ কথা জানিব পাৰে। দেওবাৰে কনমানিজনীৰ পৰিয়ালে স্থানীয় ৰাইজৰ লগতে গাওঁৰক্ষী বাহিনীক ঘটনাটো অৱগত কৰে।
ইয়াৰ পিছতে গাওঁৰ ৰাইজে মহিম শৰ্মাৰ বিৰুদ্ধে ক্ষোভিত হৈ পৰে আৰু লম্পটজনক মুখত চূণ সানি, ডিঙিত চেণ্ডেলৰ মালা পিন্ধাই গাওঁবাসীয়ে উত্তম মধ্যম শোধাই গাওঁখনত ঘুৰায়।
লগতে পঢ়ক: পাকিস্তানৰ সংসদ ভংগ কৰিলে ৰাষ্ট্ৰপতিয়ে; পুনৰ দেশৰ জনসাধাৰণৰ ৰায় ল’ব ইমৰাণ খানে
ইপিনে, ঘটনাৰ বলি কনমানিগৰাকীৰ পৰিয়ালে জিনজিয়া অৰক্ষী থানাত এই সন্দৰ্ভত অভিযুক্তৰ বিৰুদ্ধে এখন এজাহাৰ দাখিল কৰে। আৰক্ষীয়ে ঘটনাৰ তদন্ত আৰম্ভ কৰিছে।